Buldhana Crime: बुलढाण्याच्या मेहकर तालुक्यात चोरट्यांचा सुळसुळाट; आधी हार्डवेअरच्या दुकानात डल्ला, मग शेतातली तूर पळवली

संजय जाधव, बुलढाणा|ता. १२ फेब्रुवारी २०२४

Buldhana Crime:

बुलढाणा जिल्ह्याच्या मेहकर तालुक्यात चोरीच्या घटनांमध्ये वाढ झाली आहे. तालुक्यातील डोणगावमध्ये एकाच दिवशी दोन चोरीच्या घटना समोर आल्या आहेत. या चोरीच्या वाढत्या घटनांमुळे नागरिकांमध्ये भितीचे वातावरण पसरले आहे.

याबाबत सविस्तर माहिती अशी की, मेहकर (Mehkar) तालुक्यातील डोणगाव येथे चोरटे सक्रिय झाले आहेत. डोणगाव येथे चोरीच्या घटनांत वाढ झाली आहे. शेतातील सोंगून ठेवलेली तूर ठोकून नेल्याची धक्कादायक घटना समोर आली आहे, तर आलेगावकर यांच्या हार्डवेअरमध्येही चोरी झाली.

आरेगाव रोडवरील आलेगावकर यांच्या हार्डवेअरवरमध्ये रात्रीच्या सुमारास अज्ञात चोरट्यांनी चोरी केली. मागील दरवाजाचे कुलूप तोडून गल्ल्यातील चार ते पाच हजार रुपये चोरून नेले. ही घटना सीसीटीव्ही कॅमेऱ्यात (CCTV Camera) कैद झाली.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

दरम्यान, चोरटा सुमारे एक तास हार्डवेअरमध्ये टॉर्च घेऊन पाहणी करत होता. मात्र, त्याच्या हाती फक्त चिल्लरच लागल्याचे फुटेजमध्ये दिसत आहे. तर जवळा रोडवर अर्जुनराव बाजड यांच्या शेतातील सोंगून ठेवलेली तूर बडवून नेली. ही तूर २ पोती होती. सदर घटना ही सीसीटीव्हीमध्ये कैद झाली आहे. (Latest Marathi News)