अक्षय गवळी, साम टीव्ही अकोला
अकोल्यात सहा वर्षीय चिमुकलीवर अत्याचार केल्याचा धक्कादायक प्रकार समोर आला आहे. अकोला जिल्ह्यातील मूर्तिजापुर तालुक्यातल्या माना पोलीस स्टेशन हद्दीत ही धक्कादायक घटना घडली आहे. सहा वर्षीय चिमुकली ही शेजारच्या घरात टीव्ही पाहण्यासाठी गेली होती. तेव्हा घरात कोणी नसल्यानं संधी साधत २० वर्षीय तरुणांनं तिच्यासोबत अमानुषपणे कृत्य करीत अत्याचार केला आहे.
माणुसकीला काळिमा फासणारी ही घटना (Akola Crime News) आहे. या घटनेनं अकोल्यात एकच खळबळ उडाली आहे. माना पोलिसांनी या प्रकरणात विविध कलमान्वये गुन्हे दाखल केला आहे. चिमुकलीवर अत्याचार करणाऱ्या नराधम तरुणालाही गजाआड केलंय. अकोल्यात कायदा आणि सुव्यवस्थेचा प्रश्न पुन्हा ऐरणीवर आल्याचं पाहायला मिळातंय. मूर्तिजापुर तालुक्यात २० वर्षीय तरूणाने अल्पवयीन मुलीवर अत्याचार केलाय.
माना पोलीस स्टेशनचे पोलीस निरीक्षक सूरज सुरोशे यांनी दिलेल्या माहितीनूसार, ठाण्याच्या हद्दीतील एका गावात ही सहा वर्षीय चिमुकली (Physically Abused Minor Girl) ही २३ मे रोजी रात्री साडे नऊ वाजताच्या सुमारास गावातील आरोपी तरूणाच्या घरी टीव्ही पाहायला गेली होती. त्यावेळेस आरोपी तरुणानं चिमुकलीवर लैंगिक अत्याचार केला. त्यानंतर मुलगी घरी परतली असता, तिने घडलेला हा प्रकार तिच्या आईवडिलांना सांगितला.
घडलेला प्रकार ऐकून तिच्या आई-वडिलांना धक्का बसला. त्यांनी तातडीने माना पोलीस स्टेशन (Mana Police Station Area) गाठलं. दिलेल्या तक्रारीवरू कलम ३७६ पोस्कोअंतर्गत (बाल संरक्षण कायद्या अंतर्गत) ३ आणि ४ नुसार गुन्हा दाखल केला आबे. दरम्यान धक्कादायक बाब म्हणजे, हे कृत्य केल्यानंतर आरोपी पळून जाण्याचा तयारीत (crime news) होता. पोलिसांनी तात्काळ तासभरात गुन्हा दाखल करत राहत्या घरातून तरुणाला अटक केली आहे तरुणाला न्यायालयासमोर हजर केलं असता त्याला तिन दिवसांची पोलीस कोठडी सुनावली आहे. याचा अधिक तपास पोलीस निरीक्षक सूरज सुरोशे करत आहेत.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.