WhatsApp New Feature: व्हॉट्सअ‍ॅपचं भन्नाट फीचर; व्हॉइस मेसेजेस आता वाचता येणार टेक्स्टमध्ये

WhatsApp Feature: व्हॉट्सअ‍ॅपने भारतात व्हॉइस मेसेज ट्रान्सक्रिप्शन फीचर सुरू केले आहे, ज्यामुळे यूजर्स व्हॉइस मेसेजेस टेक्स्टमध्ये रूपांतरित करून वाचू शकतात. हे फीचर सध्या अँड्रॉइड यूजर्ससाठी उपलब्ध आहे.
WhatsApp New Feature
WhatsApp New FeatureFreepik
Published On

व्हॉट्सअ‍ॅपने भारतात व्हॉइस मेसेज ट्रान्सक्रिप्शन नावाचे एक नवीन फीचर जाहीर केले आहे, ज्यामुळे यूजर्स व्हॉइस मेसेजेस टेक्स्ट फॉरमॅटमध्ये रूपांतरित करून वाचू शकतात. या फीचरची घोषणा व्हॉट्सअ‍ॅपने नोव्हेंबर २०२४ मध्ये केली होती, आणि आता ते भारतातील अँड्रॉइड यूजर्ससाठी उपलब्ध झाले आहे. व्हॉट्सअ‍ॅपने स्वतःच आपल्या यूजर्सना मेसेज पाठवून या फीचरबद्दल माहिती दिली.

व्हॉइस मेसेज ट्रान्सक्रिप्शनच्या मदतीने, यूजर्सचा अनुभव आणखी सोपा होईल. अनेकदा व्हॉइस मेसेज ऐकणे सोपे नसते, त्यामुळे या फीचरमुळे यूजर्स टेक्स्ट फॉरमॅटमध्ये मेसेज वाचू शकतील, जे खासकरून आवाज न ऐकू शकणाऱ्यांसाठी उपयुक्त ठरेल. व्हॉट्सअ‍ॅपचे नवीन व्हॉइस मेसेज ट्रान्सक्रिप्शन फीचर डिव्हाइसवर काम करेल, ज्यामुळे व्हॉइस मेसेजेस आणि टेक्स्ट सुरक्षित राहतील. त्यामुळे, तिसऱ्या व्यक्तींना किंवा हॅकर्सना संदेशांमध्ये प्रवेश होणार नाही, आणि यूजर्सची गोपनीयता पूर्णपणे संरक्षित राहील. हे फीचर यूजर्ससाठी सुरक्षित अनुभव प्रदान करेल.

WhatsApp New Feature
WhatsApp Update: व्हॉट्सॲपचे धासू फीचर, आता एकाच फोनमध्ये उघडता येणार अनेक अकांऊट

नवे फिचर कसे वापराल?

व्हॉइस मेसेज ट्रान्सक्रिप्शन फीचर सक्रिय करणे अगदी सोपे आहे. यूजर्सना व्हॉट्सअ‍ॅप सेटिंग्जमध्ये जाऊन चॅट्स पर्याय निवडावा लागेल. त्यानंतर, व्हॉइस मेसेज ट्रान्सक्रिप्ट्स विभागात स्क्रोल करून, ते सक्षम करावे लागेल. यूजर्सना त्यांची पसंतीची भाषा निवडून, ट्रान्सक्राइब पर्याय सक्रिय करावा लागेल. यानंतर, व्हॉइस मेसेजेस टेक्स्टमध्ये ट्रान्सक्राइब होईल.

WhatsApp New Feature
WhatsApp Hack: व्हॉट्सॲप हॅकिंगचा धोका, मार्क झुकेरबर्ग यांनी दिला गंभीर इशारा

व्हॉइस मेसेज ट्रान्सक्रिप्शन सक्षम केल्यानंतर, यूजर्स सहजपणे व्हॉइस मेसेज ट्रान्सक्राइब करू शकतात. त्यासाठी, व्हॉइस मेसेजवर टॅप करून धरून ठेवून पॉपअपमध्ये 'अधिक पर्याय' निवडून 'ट्रान्सक्राइब' पर्याय निवडा. यानंतर, व्हॉइस मेसेजची टेक्स्ट आवृत्ती उपलब्ध होईल. सध्या, इंग्रजी, स्पॅनिश, पोर्तुगीज आणि रशियन भाषांसाठी सपोर्ट आहे. मात्र, हिंदीसाठी अधिकृत अपडेट आलेले नाही, ज्यामुळे भारतीय भाषांसाठी समर्थन अपेक्षित आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com