UCO Bank: HDFC नंतर या बँकेचा मोठा निर्णय! कर्जावरील व्याजदर घटवले; EMI कितीने कमी होणार?

सध्या कर्जावरील व्याजदर वाढत आहे. त्यामुळे कोणत्या बँकेकडून कर्ज घ्यायचे आणि कोणाकडून नाही असा प्रश्न ग्राहकांना नेहमी पडलेला असतो. कोणत्या बँकेचं कर्जासाठीचे व्याजदर किती आहे हे जाणून घेतल्याशिवाय कर्ज घ्यायची घाई करु नका. दरम्यान, काही दिवसांपूर्वी एचडीएफसी बँकेने व्याजदर कमी होते. त्यानंतर आता सार्वजनिक क्षेत्रातील युको बँकेनेदेखील कर्जावरील व्याजदर कमी केले आहे. त्यामुळे ग्राहकांना मोठा दिलासा मिळाला आहे.

युको बँकेने मार्जिनल कॉस्ट बेस्ड मनी लेडिंग म्हणजेच MCLR मध्ये कपात केली आहे. यामध्ये ०.०५ बेसिस पॉइंट्सने कपात केली आहे. युको बँकेचा हा निर्णय १० सप्टेंबरपासून म्हणजे कालपासून लागू करण्यात आला असल्याची माहिती बँकेने दिली आहे.

एमसीएलआरमध्ये कपात झाल्याने आता कर्जावरील हप्तादेखील कमी होणार आहे. त्यामुळे सर्वसामान्यांना दिलासा मिळणार आहे. आता १ वर्षासाठीचा एमसीएलआर ८.९५ टक्क्यांवरुन ८.९० टक्के करण्यात आला आहे. एक दिवस, एक महिना, ३ महिने आणि सहा महिन्याच्यादेखील एमसीएलआर रेटमध्ये बदल करण्यात आला आहे. यामध्येही ०.०५ टक्क्यांनी कपात केली आहे.

युको बँकेने फक्त एमसीएलआरमध्ये कपात केली आहे. मात्र, रेपो रेट, बेस रेट आणि बेंचमार्क प्राइम लेंडिंग रेट तसेच आहेत. त्यात काहीही बदल करण्यात आलेला नाही, असं बँकेने सांगितलं आहे.

MCLR म्हणजे काय? (What Is MCLR Rate)

एमसीएलआर हे एक मान दर आहे. त्यावर होम लोन, पर्सनल लोन आणि कॉर्पोरेट लोन निश्चित केले जाते. म्हणजेच एमसीएलआरवर कर्जाचे व्याजदर अवलंबून आहे. त्यामुळे जर बँकांनी MCLR रेट कमी केला तर थेट कर्जाच्या व्याजदरावर त्याचा परिणाम होते. यामुळे कर्जावरील व्याजदर कमी होते. परिणामी ईएमआय कमी होतो.