सणासुदीच्या काळात आपली विक्री वाढवण्यासाठी टीव्हीएस मोटरने काही दिवसांपूर्वीच आपली कम्युटर बाईक Radeon चे सर्वात स्वस्त बेस व्हेरिएंट लॉन्च केलं. Radeon 110 ऑल-ब्लॅक कलर ऑप्शनसह लॉन्च करण्यात आली आहे. या व्हेरिएंटची कमी किंमत हा त्याचा प्लस पॉइंट आहे. ही बाईक हीरो स्प्लेंडर प्लसशी (Hero Splendor Plus) थेट स्पर्धा करते.
TVS Radeon सध्या तीन प्रकारांमध्ये उपलब्ध आहे, दिल्लीमध्ये त्याच्या बेस एडिशनची एक्स-शोरूम किंमत 59,880 रुपये आहे. याच्या ड्रम व्हेरिएंटची किंमत 77,394 रुपये आहे आणि डीगी डिस्कची एक्स-शोरूम किंमत 81,394 रुपये आहे.
TVS Radeon मध्ये 109.7 cc एअर-कूल्ड, सिंगल-सिलेंडर इंजिन देण्यात आले आहे. जे 8.19 PS पॉवर आणि 8.7Nm टॉर्क जनरेट करते. हे इंजिन 4 स्पीड गिअरबॉक्सने सुसज्ज आहे.
चांगल्या ब्रेकिंगसाठी बाईकमध्ये ड्रम आणि डिस्क ब्रेकची सुविधा आहे. Combined Braking System बाईकच्या सर्व प्रकारांमध्ये 18-इंच अलॉय व्हील आहेत. बाईकमध्ये कलर एलसीडी स्पीडोमीटर आहे, ज्यामुळे बाईकशी संबंधीत अनेक महत्त्वाची माहिती मिळते.
TVS Radeon थेट Splendor Plus शी स्पर्धा करते. स्प्लेंडर प्लसची किंमत 74 हजार रुपयांपासून सुरू होते. या बाईकमध्ये 100cc इंजिन आहे. जे 7.9 bhp पॉवर आणि 8.05Nm टॉर्क जनरेट करते. यात 4 स्पीड गिअरबॉक्स आहे. या बाईकमध्ये पूर्णपणे डिजिटल स्पीडोमीटर आहे. तसेच यात एक यूएसबी पोर्टही आहे, ज्याद्वारे तुम्ही तुमचा फोन चार्ज करू शकता.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.