Subhadra Yojana: महिलांना वर्षाला मिळणार १०,००० रुपये; सुभद्रा योजनेबद्दल जाणून घ्या सर्वकाही

केंद्र सरकारने महिलांसाठी अनेक योजना राबवल्या आहे. केंद्रासोबतच अनेक राज्य सरकारने महिलांसाठी योजना राबवल्या आहे. ओडिशा सरकारने महिलांसाठी सुभद्रा योजना राबवली आहे. या योजनेत महिलांना १० हजार रुपये दिले जाणार आहेत.

सुभद्रा योजनेत वर्षाला दोन हप्त्यांमध्ये १० हजार रुपये दिले जातात.सुभद्रा योजनेत महिलांना आर्थिक मदत केली जाते. (Subhadra Scheme)

सुभद्रा योजनेत २१ ते ६० वयोगटातील महिला अर्ज करु शकतात. ही योजना ५ वर्षांसाठी सुरु करण्यात आली आहे. त्यामुळे पुढील पाच वर्षा महिलांना ५०,००० रुपये दिले जाणार आहेत. महिलांना आर्थिक आणि सामाजिकदृष्ट्या सशक्त करण्यासाठी ही योजना राबवण्यात येतात. ही एक कल्याणकारी योजना आहे. या योजनेचा लाभ घेऊन महिला स्वतः च्या पायावर उभे राहू शकतात. स्वतः चा व्यवसायदेखील सुरु करु शकतात.

सुभद्रा योजनेत अर्ज करणाऱ्या महिला या ओडिशाच्या रहिवासी असणे गरजेचे आहे. या योजनेचा लाभ घेण्यासाठी महिलांचे नाव राष्ट्रीय खाद्य सुरक्षा अधिनियम आणि राज्य खाद्य सुरक्षा योजनेअंतर्गत रेशन कार्डशी नाव जोडलेले असावे. या योजनेचा लाभ घेण्यासाठी महिलांच्या कुटुंबाचे उत्पन्न २.५० लाख रुपये असणे गरजेचे आहे. याचसोबत २१ ते ६० वयोगटातील महिलाच या योजनेचा लाभ घेऊ शकतात.

विविध राज्याच्या योजना

विविध राज्य सरकारने महिलांसाठी वेगवेगळ्या योजना राबवल्या आहेत. महाराष्ट्र सरकारने माझी लाडकी बहीण योजना राबवली आहे. झारखंड सरकारने मैया सन्मान योजना राबवली आहे. दिल्ली सरकार महिला सन्मान योजना राबवणार आहे. या सर्व योजनांमध्ये महिलांना आर्थिक मदत मिळते.