शेअर बाजारात अभ्यासपूर्ण गुंतवणूक केल्यास चांगला परतावा मिळू शकतो. इंट्राडे, इक्विटीप्रमाणे आयपीओमध्येही गुंतवणूक करुन चांगली कमाई करता येते. पुढील काही दिवस आयपीओ मार्केटसाठी चांगले असणार आहे. अनेक लहान-मोठ्या कंपन्यांचे IPO लवकरच लॉन्च केले जाणार आहेत.
आयपीओतून कमी वेळेत गुंतवणूकदारांना मोठा नफा मिळू शकतो. या आठवड्यात चार नवीन IPO येणार आहेत. त्यामध्ये गुंतवणूक करून तुम्ही भरपूर कमाई करण्याची संधी आहे. आरआर केबल, सामी हॉटेल्स, जगल प्रीपेड ओशन सर्व्हिसेस आणि चावडा इन्फ्रा या कंपन्याचे आयपीओ मार्केटमध्ये येणार आहेत. (Latest Marathi News)
चावडा इन्फ्राचा IPO (Chavda Infra IPO) आज 12 सप्टेंबर रोजी ओपन झाला आहे. यानंतर, आर आर केबलचा (RR Kabel) IPO 13 सप्टेंबर रोजी उघडेल. 14 सप्टेंबर रोजी दोन कंपन्या एकत्रितपणे त्यांचा IPO लॉन्च करणार आहेत. ज्यामध्ये सामी हॉटेल्स (SAMHI Hotels IPO) आणि जीगल प्रीपेड ओशियन सर्व्हिसेस (Zaggle Prepaid Ocean Services IPO) यांचा समावेश आहे. (Utility News)
चावडा इन्फ्रा IPO 14 सप्टेंबरपर्यंत चालेल आणि लिस्टिंग 25 सप्टेंबर रोजी होणार आहे. आर आर केबलमध्ये १५ सप्टेंबरपर्यंत गुंतवणुकीची संधी आहे. तर 26 सप्टेंबर रोजी लिस्टिंग होणार आहे.
सामी हॉटेल्स आणि जगल प्रीपेड ओशन सर्व्हिसेस IPO 14 ते 18 सप्टेंबर दरम्यान खुले असतील. दोन्ही कंपन्यांची लिस्टिंग 27 सप्टेंबरला होणार आहे.
(DISCLAIMER : शेअर मार्केटमधील गुंतवणूक ही बाजाराच्या जोखमीच्या अधीन आहे, म्हणून गुंतवणूक करण्यापूर्वी तुम्ही गुंतवणूक सल्लागाराचा सल्ला घ्यावा.)
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.