Scheme For Youth: पहिली नोकरी मिळताच सरकार देणार ₹१५०००, तरुणांसाठी १ लाख कोटींची योजना; PM मोदींची घोषणा

आज १५ ऑगस्ट स्वातंत्र्यदिनानिमित्त पंतप्रधान नरेंद्र मोदींनी लाल किल्ल्यावर ध्वजारोहण केले. स्वातंत्र्यदिनानिमित्त पंतप्रधान मोदींनी देशातील सर्व नागरिकांना संबोधले आले. यावेळी त्यांनी सर्वसामान्यांसाठी मोठ्या घोषणा केल्या आहेत. त्यांनी महिलांसाठी, तरुणांसाठी आणि शेतकऱ्यांसाठी नवीन योजनांच्या घोषणा केल्या आहे. लखपती दीदी, स्वनिधी योजनेबाबत माहिती दिली आहे. दरम्यान, तरुणांसाठी नवीन योजना सुरु केली आहे.

आज स्वातंत्र्यदिनाचा मूहूर्त साधत पीएम मोदींनी तरुणांसाठी घोषणा केली आहे. त्यांनी देशातील तरुणांना खुशखबर दिली आहे. पीएम मोदींना पंतप्रधान विकसित भारत योजना सुरु करण्याची घोषणा केली आहे. यासाठी १ लाख कोटी रुपयांचा निधी वापरला जाणार आहे.आजपासून ही नवीन योजना सुरु झाली आहे.

कोट्यवधी तरुणांना या योजनेचा फायदा होणार आहे. ३.५ कोटी तरुणांना या योजनेमुळे रोजगाराच्या संधी निर्माण होणार आहे. या योजनेअंतर्गत खाजगी क्षेत्रात पहिली नोकरी करणाऱ्या लोकांना सरकारकडून पैसे दिले जाणार आहेत. पहिल्यांदा नोकरी करणाऱ्यांना १५,००० रुपये दिले जाणार आहेत.

पंतप्रधान मोदींनी सांगितले की, या योजनेअंतर्गत तरुणांना नवीन रोजगाराच्या संधी मिळतील. शेतकऱ्यांसाठी अनेक योजना कार्यरत आहेत. महिलांसाठी लखपती दीदी योजना सुरु करण्यात आली आहे. यामुळे लाखो महिलांना मदत होणार आहे.

दिवाळीत सर्वसामान्यांना मिळणार गिफ्ट

पंतप्रधान नरेंद्र मोदी दिवाळीत सर्वसामान्यांसाठी मोठी घोषणा करणात आहे. यामध्ये नवीन जीएसटी सुधारणा आणणार आहेत. यामध्ये जीएसटी दराचा आढावा घेतला जाईल. यामुळे कर कमी होतील. जे खूप सोपे असणार आहे. त्यामुळे सर्वसामान्यांना दिलासा मिळणार आहे.