बायकोच्या नावाने १ लाखांची FD करा; पोस्ट ऑफिसच्या 'या' स्किममधून मिळतील उत्तम रिटर्न्स

आजकाल प्रत्येकजण पगारातून काही रक्कम बाजूला काढून सेव्हिंग करतो. सेव्हिंगमधून उत्तम व्याजदार मिळावे अशी योजना पाहून आपण गुंतवणूक करतो. गुंतवणुकदार सहसा आरडी, एफडीमध्ये गुंतवणूक करतो. जर आपल्याला पैसे सुरक्षित आणि चांगले रिटर्न्स मिळावे असं वाटत असेल तर, पोस्ट ऑफिसच्या टीडी स्किममध्ये पैसे गुंतवा. पत्नीच्या नावे गुंतवणूक केल्यास यातून आपल्याला उत्तम व्याज मिळेल.

पोस्ट ऑफिसची टीडी योजना ग्राहकांसाठी फायदेशीर ठरेल. ही योजना बँकांच्या एफडीसारखी आहे. पोस्ट ऑफिसने एफडीला टीडी म्हणजेच टाइम डिपॉझिट असे नाव दिले आहे. एफडी प्रमाणेच पोस्ट ऑफिसचे टीडी देखील मॅच्युअर होते. मॅच्युरिटीवर ग्राहकांना संपूर्ण रक्कम निश्चित व्याजासह मिळते.

भारतातील एक मोठा वर्ग त्यांच्या पत्नीच्या नावे गुंतवणूक करतो. कर वाचवण्यासाठी काही जण पत्नीच्या नावे विविध योजनांमध्ये गुंतवणूक करतात. आपण पोस्ट ऑफिसच्या या योजनेतही बायकोच्या नावे पैसे गुंतवू शकता. पोस्ट ऑफिसमध्ये १ वर्ष ते ५ वर्षांच्या कालावधीत एफडीमध्ये पैसे गुंतवल्यास फायदा होईल. पोस्ट ऑफिस १ वर्षाच्या एफडीवर ६.९ टक्के व्याज देते.

२ वर्षाच्या एफडीवर ७.० टक्के, ३ वर्षांच्या एफडीवर ७.१ टक्के आणि ५ वर्षांच्या एफडीवर ७.५ टक्के व्याज देते. जर तुम्ही तुमच्या पत्नीच्या नावाने पोस्ट ऑफिसमध्ये २ वर्षांसाठी १ लाख रूपये जमा केले. तर, मॅच्युरिटीवर तुमच्या पत्नीच्या खात्यात १,०७,१८५ रूपये जमा होतील.

यामध्ये तुम्हाला जमा केलेल्या १ लाख रूपयांसह ७,१८५ रूपयांचे निश्चित व्याज मिळेल. पत्नीच्या नावावर एफडी मिळवण्यासाठी तुमच्या पत्नीचे पोस्ट ऑफिसमध्ये बचत खाते असणे आवश्यक आहे.