RBI Rule: तुमचं झिरो बॅलन्स अकाउंट आहे? RBI ने घेतला महत्त्वाचा निर्णय; हे ४ नियम लवकरच बदलणार

रिझर्व्ह बँकेने झिरो बॅलेंस खातेधारकांना मोठा दिलासा दिला आहे. देशातील कोट्यवधी लोकांचे झिरो बॅलेंस अकाउंट आहे. या खात्यात कोणताही प्रकारचा मिनिमम बॅलेंस ठेवावा लागत नाही. परंतु या अकाउंटवर अनेक चार्जेस लावले जातात. आता रिझर्व्ह बँकेने या अकाउंटधारकांसाठी महत्त्वाचा निर्णय घेतला आहे.

बँक झिरो बॅलेंस अकाउंटवर अनेक चार्ज लावून ग्राहकांच्या अडचणीत वाढ करायचे. मात्र, आता हे नियम खूप सोपे करण्यात आले आहेत. आता या नवीन नियमांमुळे गावातील, लहान शहरातील ग्राहकांना डिजिटल पद्धतीने बँकिंग सेवा वापरता येणार आहे. डिजिटल पेमेंटच्या नियमांमध्ये काही बदल केले आहे.

कोणत्याही चार्जशिवाय वापरता येणार डिजिटल सेवा

याआधी बँका UPI, IMPS किंवा NEFT ला पैसे काढण्यासाठी वापरले जात असल्याचे मानत होत्या. चार्ज लावत होते. यामुळे ग्राहकांना खूप अडचणी यायच्या. आता यानंतर कोणतेही डिजिटल ट्रान्झॅक्शन हे पैसे काढणारे मानले जाणार नाही. त्यामुळे झिरो बॅलेंस खात्यांमधील डिजिटल पेमेंट हे मोफत आणि अमर्यादित असणार आहे.

पैसे काढण्यासाठी शुल्क नाही (Zero Balance Account Rule)

ग्राहकांना आता कोणत्याही चार्जशिवाय पैसे काढता येणार आहे. याआधी पैसे काढण्यावर चार्ज लागत होते. नवीन नियमांनुसार, बँकांना दर महिन्याला किमान ४ वेळा मोफत रोख रक्कम काढण्याची सुविधा द्यावी लागणार आहे. त्यामुळे एटीएममधून पैसे काढण्यासाठी तुम्हाला चार्ज लागणार नाहीये. यामुळे जे लोक रोख रक्कम वापरतात त्यांना फायदा होणार आहे.

डेबिट कार्ड वापरल्यामुळे सूट मिळणार आहे. याआधी बँका वार्षिक शुल्क किंवा रिन्यूअल फी आकारत होते. मात्र, आता ही सुविधा मोफत असणार आहे. आता झिरो बॅलेंस अकाउंटसाठी कोणत्याही वार्षिक शुल्काशिवाय पैसे काढता येणार आहेत.

चेकबुक आणि पासबुकचे नियम बदलले

पासबुक आणि चेकबुकच्या नियमात बदल केले आहेत. ग्राहकांना दरवर्षी २५ पानांचे चेकबुक मोफत मिळणार आहे. याचसोबत बँकांना पासबुकदेखील मोफत द्यावे लागणार आहे. याआधी यासाठी बँका शुल्क आकारत होत्या.

आता शून्य बॅलेंस खात्यांमध्ये ठेवींवर कोणतीही मर्यादा राहणार नाही. पूर्वी याबाबत निर्णय होते. आता ग्राहक त्यांच्या मर्जीनुसार पैसे ठेवू शकतात. हे नवीन नियम १ एप्रिल २०२६ पासून लागू होणार आहेत.