Sakshi Sunil Jadhav
केंद्र सरकारने मेसेजिंग अ‍ॅपच्या वापरात मोठा बदल करत WhatsApp, Telegram, Snapchat, ShareChat, JioChat, Arattai आणि Josh यांसारख्या लोकप्रिय अॅप्सवर नवीन नियम तात्काळ लागू केले आहेत.
दूरसंचार विभागाने स्पष्ट केले आहे की, कंपन्यांनी ही व्यवस्था 90 दिवसांच्या आत लागू करणे बंधनकारक आहे आणि 120 दिवसांच्या आत अहवाल सादर करावा लागेल. यामध्ये प्रथमच अॅप-आधारित टेलिकॉम सेवांना कठोर नियामक चौकटीत आणण्यात आले आहे.
WhatsApp, Telegram, Signal आणि इतर अॅप्स आता फक्त सक्रिय SIM असलेल्या डिव्हाईसमध्येच चालतील.
DoT च्या आदेशानुसार सर्व कंपन्यांनी 90 दिवसांत नवीन सिस्टम लागू करणे आवश्यक. नियम अंमलबजावणीची माहिती देण्यासाठी कंपन्यांना 120 दिवसांची मुदत.
WhatsApp - Telegram Web सारख्या आवृत्त्यांना दर 6 तासांनी ऑटो लॉगआऊट करावे लागेल. पुन्हा लॉगिन करताना QR कोड स्कॅन करणे अनिवार्य आहे.
सरकारचा दावा आहे की, सिमशिवाय अॅप वापरामुळे विदेशातून होणारे सायबर गुन्हे वाढत होते. हे टाळण्यासाठी कठोर नियम लागू.
नवीन नियमांमुळे टेलिकॉम आयडेंटिफायरचा गैरवापर रोखता येईल आणि सायबर सुरक्षा मजबूत होईल.
वापरकर्ता, फोन नंबर आणि डिव्हाइस यांच्यात विश्वसनीय कनेक्शन तयार होईल, ज्यामुळे फसवणूक कमी होईल.
नवीन व्यवस्थेमुळे स्पॅम, फेक कॉल्स, आर्थिक फसवणूक आणि डिजिटल अपराधांवर मोठ्या प्रमाणात नियंत्रण मिळेल.