Sakshi Sunil Jadhav
आचार्य चाणक्यांनी त्यांच्या चाणक्य नितीमध्ये आयुष्यात यशस्वी होण्यासाठी अनेक टिप्स दिल्या आहेत. त्यातच अनेकांना यशस्वी होण्यासाठी मैत्री किंवा काही व्यक्तींची गरज भासते. अशा वेळेस चाणक्यांनी काही कानमंत्र दिले आहेत. ज्याचा वापर करून तुम्ही भविष्यात यशस्वी बनता.
चाणक्य म्हणतात, ज्याच्या हातात स्वतःच्या भावना आणि रागावर नियंत्रण असतं, तोच खरा यशस्वी व्यक्ती असतो. निर्णय घाईत न घेणं हा त्यांचा मुख्य गुण.
जीवनात शॉर्टकट नसतात. परिश्रम आणि सातत्य हे यशाचे मूळ सूत्र असल्याचे चाणक्य सांगतात. त्यामुळे कोणतेही काम करताना लक्षपुर्वक केल्याने जे फळ मिळतं ते आपल्या हक्काचं असल्यासारखं वाटतं.
उद्दिष्ट अस्पष्ट असेल तर प्रयत्न दिशाहीन होतात. उद्दिष्ट स्पष्ट, मोजता येणारे आणि साध्य करण्यासारखे असावे. त्यामुळे कामावर नियंत्रण राहते.
वेळेचा योग्य वापर म्हणजे आयुष्यात नवीन संधींचा दिवस. शिस्तबद्ध जीवन आणि वेळेचे योग्य नियोजन करणारे पुरुष नेहमी पुढे जातात.
चाणक्यांच्या मते, ज्ञान हेच सर्वात मोठे शस्त्र आहे. सतत शिकणारी व्यक्ती कोणत्याही परिस्थितीत टिकते.
चाणक्य सांगतात, चुकीच्या लोकांसोबत राहणारा सर्वोत्तम व्यक्तीदेखील मार्गभ्रष्ट होऊ शकतो. योग्य मित्र, सहकारी, सल्लागार यांची निवड अत्यंत महत्त्वाचे आहे.
खऱ्या यशस्वी पुरुषाची ओळख संकटात होते. तो घाबरत नाही, तर परिस्थितीचे विश्लेषण करून योग्य निर्णय घेतो. चाणक्यांनी अर्थशास्त्राला विशेष महत्त्व दिले. पैशाची कदर, योग्य गुंतवणूक, बचत आणि खर्चावर नियंत्रण हे गुण व्यक्तीला स्थैर्य आणि प्रगती देतात.