दोन दिवस टिकणारी बॅटरी, स्टायलिश लूक आणि बरंच काही; नव्या स्मार्टफोनची बाजारात धडाकेबाज एन्ट्री होणार

मुंबई : पोको या स्‍मार्टफोन ब्रँडने आज गुरुवारी पोको सी85 5जी च्‍या लाँचची घोषणा केली आहे. या ब्रँडच्‍या २०२५ उत्‍पादन लाइनअपमधील शेवटचा स्‍मार्टफोन आहे. तसेच या स्मार्टफोनची कार्यक्षमता-केंद्रीत सी सिरीजमधील नवीन डिवाईस आहे. भारतातील सतत व्यग्र असलेल्‍या तरूणांसाठी डिझाइन करण्यात आलाय. पोको सी८५ मध्‍ये पॉवर दिवसभर कार्यरत राहण्‍याची क्षमता आहे. या पॉवरसाठी या डिवाईसमध्‍ये सर्वोत्तम वैशिष्‍ट्ये आहेत.

बॅटरी नाविन्‍यता पोकोची सर्वात प्रमुख खासियत आहे. जलद चार्जिंग आणि सडपातळ दिसणारा हा स्मार्टफोन आहे. या स्मार्टफोनची चार्जिंग दीर्घकाळापर्यंत टिकणारी आहे. यंदा एफ७, एक्‍स७ सीरीज आणि एम७ प्‍लस अशा लाँचसह ब्रँडने बॅटरी कार्यक्षमतेसाठी उद्योग मापदंडांना सतत नव्‍या उंचीवर नेलंय.

पोको सी८५ ५जी तरूण स्‍मार्टफोन युजर्सला दैनंदिन गरजांची पूर्तता करण्‍यासाठी डिझाइन करण्‍यात आलाय. तसेच या फोनमध्ये ड्युअल-टोन फिनिश आणि स्‍लीक, स्लिम प्रोफाइलसह पोको सी८५ ५जी भारतीयांच्‍या व्‍यग्र जीवनशैलीशी जुळण्‍याकरिता डिझाइन करण्‍यात आलीये.

डिवाईसमधील उच्‍च क्षमतेची ६००० एमएएच बॅटरी, तसेच ३३ वॅट फास्‍ट चार्जिंग आणि १० वॅट रिव्‍हर्स चार्जिंग डिवाईस दिवसभर टिकण्याचे खात्री देते. युजर्सला सामान्‍य वापरासह बॅटरी दोन दिवसांहून अधिक कार्यरत राहण्‍याची खात्री मिळते. त्यामुळे फोनला सतत चार्जिंग करण्‍याची गरज भासत नाही.

पोको इंडियाच्‍या सोशल मीडिया चॅनेल्‍सवर पोको सी८५ ५जी चा पहिला लूक आज लाइव्‍ह शेअर करण्‍यात आला. हा स्‍मार्टफोन अधिकृतरित्‍या भारतात ९ डिसेंबर २०२५ रोजी लाँच करण्‍यात येईल.