PM Kisan Yojana: शेतकऱ्यांसाठी आनंदाची बातमी! पीएम किसानचा 23वा हप्ता लवकरच खात्यात, पंतप्रधान मोदींच्या हस्ते होणार वितरण

शेतकऱ्यांसाठी भारतात अनेक योजना राबवल्या जातात. त्यामध्ये शेतकऱ्यांना आर्थिक मदत केली जाते. सध्या पंतप्रधान किसान सन्मान योजनेचा लाभ शेतकरी घेत आहेत. त्यामध्ये शेतकऱ्यांना वर्षभरात ६००० रुपये दिले जातात. आता योजनेची मोठी अपडेट समोर आली आहे.

तुम्हाला माहितीये का की, हा हप्ता खात्यात कधी वितरित केला जातो? किंवा पंतप्रधानच दरवेळी प्रमाणे हा हप्ता खात्यात जमा करणार का? पुढे याबद्दलची थोडक्यात माहिती जाणून घेऊयात. तुम्ही सुद्धा या योजनेचा लाभ घेत असाल तर ही माहिती नक्की वाचा.

पीएम किसान योजनेचा २३वा हप्ता कधी जमा होणार? (PM Kisan Yojana 23rd Installment Date)

शेतकऱ्यांना पीएम किसान योजने अंतर्गत एका वर्षात ६००० रुपयांचा हप्ता दिला जातो. म्हणजेच ४ महिन्यांनी शेतकऱ्यांच्या खात्यात २००० रुपये जमा होतात. हे तीन हप्ते एप्रिल पासून ते जुलै या महिन्यादरम्यान येतात. तर पुढचा हप्ता ऑगस्ट ते नोव्हेंबर आणि शेवटचा डिसेंबर ते मार्च अशा पद्धतीत दिला जातो.

आत्तापर्यंत २२ हप्ते शेतकऱ्यांच्या थेट खात्यावर पाठवण्यात आले आहेत. तर २२ वा हा मार्चमध्ये जमा केला होता. म्हणजेच पुढचा हप्ता २३वा हप्ता जून महिन्यात खात्यात जमा होईल. असा अंदाज आहे.

२३ व्या हप्ता कोण घोषित करणार?

पीएम किसान योजनेचा हप्ता घोषित करण्यासाठी एका कार्यक्रमाचं आयोजन केलं जातं. वेगवेगळ्या देशातल्या वेगवेगळ्या शहरांमध्ये हप्ता जमा करण्याच्या वेळेस कार्यक्रम ठेवला जातो. तर मागील २२ वा हप्ता हा गुवाहाटीत घोषित केला होता. हप्त्याची रक्कम पंतप्रधान नरेंद्र मोदी स्वतः लाभार्थ्यांच्या बँक खात्यात जमा करतात. याचाच अंदाज घेऊन २३ वा हप्ता सुद्धआ पंतप्रधान मोदीच जाहीर करतील. पण या कार्यक्रमाविषयीची अधिकृत माहिती अजुन समोर आलेली नाही.