PM Kisan Yojana: शेतकऱ्यांसाठी आनंदाची बातमी! ₹२००० खात्यात येणार, कृषी विभागाने तारीख सांगितली

पीएम किसान योजनेच्या हप्त्याची लाखो शेतकरी वाट पाहत होते. दरम्यान, आता पीएम किसान योजनेचे पैसे शेतकऱ्यांच्या खात्यात कधी जमा होणार याबाबत अधिकृत माहिती देण्यात आली आहे. २ ऑगस्ट रोजी शेतकऱ्यांच्या खात्यात २००० रुपये जमा केले जाणार आहे.

लाखो शेतकरी गेल्या अनेक दिवसांपासून पीएम किसान योजनेच्या हप्त्याची वाट पाहत होते. दरम्यान, आता ही प्रतिक्षा संपली आहे. ३ दिवसांत शेतकऱ्यांच्या खात्यात पैसे जमा होणार आहेत. याबाबत कृषी विभागाने माहिती दिली आहे.

कधी मिळणार पीएम किसान योजनेचा हप्ता

२ ऑगस्ट २०२५ रोजी शेतकऱ्यांच्या खात्यात पीएम किसान योजनेचे प्रत्येकी २००० रुपये जमा केले जाणार आहेत. पंतप्रधान नरेंद्र मोदी उत्तर प्रदेशमधील वाराणसी येथून व्हिडिओ कॉन्फरसिंगद्वारे शेतकऱ्यांच्या खात्यात पैसे जमा करणार आहेत.

पीएम किसान योजनेत वर्षभरात तीन वेळा शेतकऱ्यांच्या खात्यात पैसे जमा केले जातात. दरम्यान, यावेळी हप्ता येण्यास उशिर झाला आहे. जवळपास १ महिनाभर पैसे येण्यास उशिर झाला आहे. हे पैसे जून महिन्यात येणे अपेक्षित होते. मात्र, अजूनही पैसे न आल्याने शेतकरी नाराज होते. मात्र, आता काही दिवसातच शेतकऱ्यांच्या खात्यात पैसे जमा केले जाणार आहे.

कृषी विभागाने दिली माहिती

कृषी विभागाने एक्स या प्लॅटफॉर्मवरुन ही माहिती दिली आहे. पीएम किसान योजनेचा २०वा हप्ता २ ऑगस्ट २०२५ रोजी उत्तर प्रदेश वाराणसी येथून थेट तुमच्या खात्यात जमा केला जाईल. तुमच्या फोनच्या मेसेजवरुन समजा की तुमच्या खात्यात पैसे जमा झाले.

केवायसी अनिवार्य

पीएम किसान योजनेचा हप्ता मिळवण्यासाठी तुम्हाला केवायसी करणे अनिवार्य आहे. जर तुम्ही केवायसी केले नाही तर तुम्हाला पैसे मिळणार नाहीत. त्यासाठी तुम्ही ऑनलाइन आणि ऑफलाइन पद्धतीने केवायसी करु शकतात. ऑनलाइन पीएम किसानच्या वेबसाइटवर किंवा जवळच्या CSC सेंटरवर जाऊन केवायसी करु शकतात.