Paytm चा मोठा निर्णय! युजर्सना येणार पॉपअप मेसेज, UPI वापरण्यासाठी करावे लागणार हे महत्त्वाचे काम

Paytm New Rule :

आरबीआयने पेटीएम बँकेवर याआधीच बंदी घातली होती. आता यामध्ये पुन्हा मोठा बदल होणार आहे. पेटीएम वापरकर्त्यांना लवकरच युपीआय आयडी बदलावा लागणार आहे.

लवकरच कंपनी वापकर्त्यांना नवीन UPI आयडी देण्याची सुविधा देणार आहे. यासाठी पेटीएम (Paytm) टायअप कंपनीसोबत UPI आयडी बदलू शकतात. पेटीएमची कंपनी One 97 Communications (OCL) ला नॅशनल पेमेंट्स कॉर्पोरेशन ऑफ इंडिया (NPCI) कडून मान्यता मिळाली आहे. यासाठी ते वापरकर्त्यांना नवीन बँकेत (Bank) स्थलांतरित करु शकते. यानंतर ते त्यांचे पेमेट सुरु करतील.

NPCI ने १४ मार्च २०२४ रोजी OCL ला थर्ड पार्टी अॅप्लिकेशन प्रोव्हायडर (TRAP)म्हणून काम करण्याची मान्यता दिली. त्यानंतर Paytm ने Axis Bank, HDFC बँक, SBI बँक, यश बँकेसोबत पार्टनरशीप केली. या बँका आता पेटीएम वापरकर्त्यांना ट्रॅप अंतर्गत सुविधा पुरवतील.

मीडिया रिपोर्टनुसार या बदलांनुसार सर्व पेटीएम यूपीआय वापरकर्त्यांना लवकरच पॉपअप मिळेल. या पॉपअपद्वारे वापरकर्त्यांकडून संमती मागितली जाईल. त्यांना @ptsbi, @pthdfc, @ptaxis आणि @ptyes सारख्या चार बँकांपैकी कोणत्याही UPI हँडलपैकी एक निवडावा लागेल.

यानंतर वापरकर्ते पूर्वीप्रमाणेच पेटीएमवर यूपीआय वापरु शकतात. यामधून पेमेंट प्राप्त करता येईल तसेच ट्रान्सफरही करता येईल. QR कोड इत्यादींमध्ये बदल केले जातील की, नाही याविषयी कोणतीही माहिती समोर आलेली नाही.