New Labour Code: नवीन कामगार कायद्यात कर्मचाऱ्यांच्या पगारात कपात होणार? सरकारने दिली महत्त्वाची माहिती

सरकारने कर्मचाऱ्यांसाठी एक महत्त्वाचा निर्णय घेतला आहे. यामध्ये नवीन कामगार कायदे लागू केले आहेत. दरम्यान, या नवीन कामगार कायद्याअंतर्गत कर्मचाऱ्यांचा पगार कमी होणार का असा प्रश्न विचारला जात होता. दरम्यान, आता केंद्रीय कामगार आणि रोजगार मंत्रालयाने याबाबत माहिती दिली आहे. नवीन कामगार संहिता लागू झाल्यानंतर कर्मचाऱ्यांची टेक होम सॅलरी कमी केली जाणार नाही. जर भविष्य निर्वाह निधीत १५००० रुपयांच्या मर्यादेत कपात कायम राहिली तर तुमच्या पगारात कोणतीही कपात होणार नाही.

१५००० रुपयांपेक्षा जास्त पीएफ कपात ऐच्छिक

मंत्रालयाने दिलेल्या माहितीनुसार, कंपन्या १५००० रुपयांपेक्षा जास्त पीएफ कपातीची सक्ती करु शकत नाही. याचा अर्थ असा की, पीएफ योगदानाच्या १२ टक्के रक्कम ही १५,००० रुपयांपर्यंतच अनिवार्य आहे. त्यापेक्षा पीएफ खात्यात जास्त रक्कम जमा करायची की नाही हे पूर्णपणे कर्मचाऱ्यांच्या हातात आहे. यामुळे तुमची टेक होम सॅलरी कमी होणार नाही.

नवीन कामगार कायद्यातील बदल काय? (New Labour Code Changes)

सरकारने २१ नोव्हेंबर २०२५ रोजी चार नवीन कामगार संहिता लागू केल्या. यामध्ये महत्त्वाचा बदल करण्यात आला. यामध्ये एकसमान वेतन, वेतनाच्या आधारावर पीएफ, ग्रॅच्युटी आणि ESI ची कॅल्क्युलेशन होणार आहे.यामुळे कंपन्यांना कर्मचाऱ्यांच्या CTC रचना पुन्हा तयार करावी लागणार आहे. यामुळे कर्मचाऱ्यांच्या इन हँड सॅलरीवर कोणताही परिणाम होणार नाही.

मंत्रालयाने सांगितले की, नवीन पीएफ व्यवस्थेमुळे टेक होम सॅलरी कपात होत नाही. पीएफ हा तुमच्या पगारावर आधारित असतो. तुम्ही १५००० रुपयांपर्यंत पीएफ जमा करु शकतात.त्यापेक्षा जास्त पैसे जमा करायचे की नाही हे कर्मचाऱ्यावर अवलंबून असते.