वरळीतील पंचतारांकित हॉटेलमध्ये ठाकरेसेना–भाजप राडा! कामगार युनियनवरून वाद चिघळला

ही धुमचक्री कुठल्या आखाड्यातली नाही... तर भाजप आणि ठाकरेसेनेतील हा तुफान राडा झालाय तो वरळीतील एका पंचतारांकित हॉटेलमध्ये...गेल्या अनेक वर्षांपासून हॉटेल सेंट रेजिसमध्ये ठाकरेसेनेची युनियन कार्यरत आहे..... मात्र आता भाजपनं सेंट रेजिस हॉटेलमध्ये युनियन स्थापन करण्याचा प्रयत्न करत बॅनर लावला... आणि तिथंच वादाची ठिणगी पडली...ठाकरेसेनेनं थेट भाजपचं पोस्टर फाडून टाकलं...

ठाकरेंच्या कामगारसेनेनं भाजपचा बॅनर फाडून टाकल्यानं मोठा तणाव निर्माण झाला... मात्र भाजप सत्तेचा गैरवापर करुन घुसखोरी करत असल्याचा आरोप ठाकरेसेनेनं केला...

फक्त सेंट रेजिसच नाही तर ठाकरेंच्या कामगारसेनेची ताकद कुठे ताकद आहे पाहूयात....

पंचतारांकित हॉटेल

विमानतळ

शासकीय आणि निमशासकीय संस्था

MTNL

बँकिंग क्षेत्र

विमा कंपन्या

रुग्णालये

खाजगी कंपन्या आणि कुरिअर सर्व्हिसेस

मुंबई महापालिका निवडणुकीआधी ठाकरेंच्या शक्तीस्थळावरच घाव घालण्याची रणनीती आखलीय.. आधी वांद्र्यातील ताज लँड्स एंड आणि आता सेंट रेजिसमध्ये झालेला राडा याच रणनीतीचा भाग असल्याची चर्चा आहे..

हॉटेल्स आणि एअरपोर्ट ही ठाकरे गटाची ताकद मानली जाते. मात्र आता भाजप प्रदेशाध्यक्ष रवींद्र चव्हाण आणि शिंदेसेनेनं नेमके हेच ठिकाणं लक्ष्य करायला सुरुवात केलीय... त्यामुळे मुंबई महापालिका निवडणुकीच्या तोंडावर भाजप -शिंदेसेना विरुद्ध ठाकरेसेना संघर्ष आणखी तीव्र होणार हे मात्र निश्चित...