Mahila Samruddhi Yojana: लाडक्या बहिणींना मिळणार २५०० रुपये; मुख्यमंत्र्यांनी केली मोठी घोषणा

विविध राज्य सरकारने महिलांसाठी खास योजना सुरु केली आहे. या योजनेअंतर्गत महिलांना आर्थिक मदत केली जाते. महाराष्ट्र सरकारने मुख्यमंत्री माझी लाडकी बहीण योजना, ओडिशा सरकारने सुभद्रा योजना आणि मध्य प्रदेश सरकारने लाडली बहना योजना सुरु केली आहे. त्यानंतर आता दिल्ली सरकारदेखील लवकरच महिला समृद्धी योजना (Mahila Samruddhi Yojana) सुरु करणार आहे. या योजनेत महिलांना २५०० रुपये मिळणार आहे. याबाबत दिल्लीच्या मुख्यमंत्र्यांनी माहिती दिली आहे.

दिल्लीच्या मुख्यमंत्री रेखा गुप्ता यांनी सांगितले की, त्यांचे सरकार महिला समृद्धी योजना लागू करण्यासाठी काम करत आहे. लवकरच शहरातील पात्र महिलांना २५०० रुपये देणार आहे. यामध्ये एकच समस्या अशी आहे की, गेल्या १२-१४ वर्षात दिल्लीत एकही नवीन रेशन कार्ड जारी करण्यात आले नाही. त्यामुळेच कोणत्याही कल्याणकारी योजनेत नवीन लाभार्थी जोडता आले नाहीत.

दिल्लीच्या मुख्यमंत्र्यांनी सांगितले की, ही योजना पूर्णपणे राबवण्यासाठी आम्ही प्रयत्न करत आहोत. जेणेकरुन रेशन कार्ड नसलेल्या पात्र लोकांनाही या योजनेचा लाभ घेता येईल. ही योजना अंमलात आणण्यासाठी काम सुरु आहे. लवकरच ही योजना सुरु केली जाईल.

या वर्षी फेब्रुवारी महिन्यात विधानसभा निवडणूकीपूर्वी भाजपने नागरिकांना आश्वासन दिले होते. जर भाजप सरकार आले तर आर्थिकदृष्ट्या दुर्बल घटकातील महिलांना २५०० रुपये दिले जातील. याबाबत त्यांनी इंडियन एक्सप्रेसला माहिती दिली आहे. दिल्ली सरकारने २०२५-२६ च्या अर्थसंकल्पात या योजनेच्या अंबलबजावणीसाठी ५१०० कोटी रुपयांचा निधी आधीच मंजूर केला आहे. त्यानंतर ही योजना लागू करण्यासाठी दिल्ली सरकार प्रयत्नशील आहे.