Lado Laxmi Yojana: या राज्यातील महिलांच्या खात्यावर खटाखट येणार ₹६३००; मुख्यमंत्र्यांनी दिली माहिती

केंद्र सरकारसोबतच अनेक राज्य सरकारने महिलांसाठी अनेक योजना राबवल्या आहेत. महाराष्ट्र सरकारने जशी लाडकी बहीण योजना राबवली तशी हरियाणा सरकारने लाडो लक्ष्मी योजना राबवली आहे. लाडो लक्ष्मी योजनेत महिलांना २१०० रुपये दिले जातात. या योजनेचा दुसरा हप्ता जारी करण्यात आला आहे.आता या योजनेत तीन महिन्यांनी एकत्र ६३०० रुपये दिले जाणार आहेत.

हरियाणा सरकारने आज ७ लाख महिलांच्या खात्यात पैसे जमा केले आहेत. प्रत्येक महिलेच्या खात्यात २१०० रुपये पाठवले आहे. मुख्यमंत्री नायब सिंह सैनी यांनी डीबीटीद्वारे पैसे पाठवले आहेत.

मुख्यमंत्र्यांची मोठी घोषणा

पैसे ट्रान्सफर करताना मुख्यमंत्र्यांनी अजून एक घोषणा केली. प्रत्येक तिसऱ्या महिन्यात एकत्र पैसे दिले जातील, असं त्यांनी सांगितले. चंदीगढमध्ये एका कार्यक्रमात मुख्यमंत्र्यांनी दुसरा हप्ता जारी केला. ईकेवायसी पूर्ण झाल्यानंतर महिलांच्या खात्यात पैसे जमा केले जातात.

आता प्रत्येक तीन महिन्यांनी मिळणार पैसे

२५ सप्टेंबर रोजी लाडो लक्ष्मी योजना सुरु केली होती. या योजनेत १ नोव्हेंबर रोजी महिला हप्ता देण्यात आला. त्यानंतर आज एका महिन्यांनी दुसरा हप्ता दिला होता. मुख्यमंत्री नायब सिंह सैनी यांनी सांगितले होते. महिन्याचा हप्ता दिल्यानंतर वर्षभरात दोन हप्ते दिले जातील. त्यानंतर आता वर्षभरात चार हप्ते देण्याची घोषणा केली.तीन महिन्यांनी महिलांच्या खात्यात २१०० रुपये जमा केले जातील.

महिलांच्या खात्यात येणार ६३०० रुपये (Lado Laxmi Yojana Women Get 6300 Rupees)

महिलांना आता तीन महिन्यांनी थेट ६३०० रुपये येणार आहेत. सध्या प्रत्येक महिन्याला २१०० रुपये दिले जात होती. आता ३ महिन्याचे एकत्र पैसे दिले जाणार आहे. जेणेकरुन महिला या पैशांचा चांगला वापर करु शकतील.

तुमच्या खात्यात पैसे आले की नाही?

हरियाणातील महिलांना आज पैसे दिले आहेत. याबाबत तुम्हाला मोबाईल अॅपवर माहिती मिळेल. तसेच पैसे क्रेडिट झाल्यावर तुमच्या फोनवर मेसेज येईल.