Ladki Bahin Yojana: मोठी बातमी! लाडकीच्या खात्यात १५ दिवसात ₹३००० येणार? महत्त्वाचं कारण आले समोर

राज्यात सध्या स्थानिक स्वराज्य निवडणुकांचे वारे वाहू लागले आहे. नोव्हेंबर महिन्यात निवडणुकांची घोषणा होण्याची शक्यता आहे. निवडणुकांची तारीख लागू झाल्यानंतर लगेच आचारसंहिता लागू होणार आहे. यामुळेच लाडकी बहीण योजनेत महिलांना ३००० रुपये एकत्र येऊ शकतो. लाडकीचा ऑक्टोबर आणि नोव्हेंबरचा हप्ता एकत्रितपणे येऊ शकतो.

दिवाळीआधी लाडकी बहीण योजनेचा हप्ता येईल, अशी आशा महिलांना होती. मात्र, दिवाळीनंतरही अजूनपर्यंत महिलांच्या खात्यात पैसे जमा झाले नाहीत. त्यामुळे जर नोव्हेंबरचा हप्ता लांबणीवर गेला आणि निवडणुकांमध्ये हे पैसे दिले नाही तर महिलांमध्ये अजून नाराजी निर्माण होण्याची शक्यता आहे.

ऑक्टोबर- नोव्हेंबरचा हप्ता एकत्र येणार? (Ladki Bahin Yojana October-November Installment May Come Together)

लाडकी बहीण योजनेत सुमारे दोन कोटी लाभार्थ्यांना ३००० रुपये एकत्र येण्याचे नियोजन सुरु आहे. त्यावरील निर्णय याच आठवड्यात होण्याची शक्यता वर्तवली जात आहे.

लाडकी बहीण योजनेत ऑक्टोबरच्या हप्त्याची महिला आतुरतेने वाट पाहत आहेत. हा महिना संपायला अवघे दोन दिवस उरले आहे तरीही काही अपडेट समोर आलेली नाही. याचसोबत नोव्हेंबरचा हप्ता कधी येणार असा प्रश्न विचारला जात आहे. दरम्यान, आता हे दोन्ही हप्ते एकत्र येण्याची शक्यता वर्तवली जाणार आहे.

ऑक्टोबर नोव्हेंबरचा हप्ता एकत्र येण्यामागचे कारण

नोव्हेंबर ते जानेवारी या कालावधीत स्थानिक स्वराज्य संस्थांच्या निवडणुका होणार आहेत. यामध्ये ३२ जिल्हा परिषद, ३३१ पंचायत समिती, २८९ नगरपालिका आणि २९ महापालिकेच्या निवडणुका होणार आहे. यानंतर फेब्रुवारी महिन्यात ग्रांमपंचायतीच्या निवडणुका होणार आहेत.

निवडणुकांच्या काळात कोणताही निधी दिला जात नाही. त्यामुळे या कालावधीत महिलांच्या खात्यात पैसे जमा होणार नाहीत. त्यामुळे निवडणुका लागण्यापूर्वीच महिलांच्या खात्यात दोन महिन्याचे पैसे जमा होऊ शकतात. महिलांना ३००० रुपये एकत्रित दिले जाण्याची शक्यता आहे.