Ladki Bahin Yojana: लाडक्या बहि‍णींच्या खात्यात ₹३००० कधी येणार? नोव्हेंबर-डिसेंबर हफ्त्याची संभाव्य तारीख समोर

लाडकी बहीण योजनेच्या लाभार्थी महिला नोव्हेंबर आणि डिसेंबर महिन्याच्या हप्त्याची वाट पाहत आहेत. आता डिसेंबर महिना संपायला अवघे १५ दिवस उरले आहेत. त्यामुळे दोन्ही हप्ते एकत्र येणार असल्याची चर्चा सुरु आहे. दरम्यान, आता हे पैसे कधी येणार याकडे सर्व महिलांचे लक्ष लागले आहे.

लाडकीला ३००० रुपये या दिवशी मिळण्याची शक्यता (Ladki Bahin Yojana 3000 Rupees Installment)

लाडकी बहीण योजनेत दोन महिन्याचे पैसे एकत्र येऊ शकतात. महिलांना ३००० रुपये या आठवड्यात येऊ शकतात. नगरपरिषद आणि नगरपालिका निवडणूकीपूर्वी महिलांच्या खात्यात पैसे जमा होऊ शकतात. २१ डिसेंबर रोजी नगरपरिषद निवडणूकीचा निकाल जाहीर होणार आहे त्याआधी पैसे येऊ शकतात. याबाबत अजून अधिकृत घोषणा झालेली नाही.

लाडक्या बहि‍णींना केवायसी अनिवार्य (Ladki Bahin Yojana KYC)

लाडकी बहीण योजनेत तुम्हाला पुढचा हप्ता मिळवण्यासाठी केवायसी करणे गरजेचे आहे. जर तुम्ही केवायसी केले नाही तर तुमचा लाभ बंद केला जाईल. महिलांना ३१ डिसेंबरपर्यंत केवायसी करणे गरजेचे आहे. त्यासाठी फक्त १५ दिवस उरले आहेत. दरम्यान, लाडकी बहीण योजनेत महिलांना केवायसीमध्ये काही चुका असतील त्यात सुधारणा करण्याचीही संधी महिलांकडे आहे. त्यासाठी त्यांना वेबसाइटवर जाऊन दुरुस्ती करायची आहे.