Ladki Bahin Vs Lek Ladki: लाडक्या बहि‍णींना १५०० रुपये तर लाडक्या लेकींना १ लाख रुपये; दोन्ही योजनांमध्ये फरक काय?

राज्यात महायुती सरकारने मुख्यमंत्री माझी लाडकी बहीण योजना राबवली आहे.लाडकी बहीण योजनेअंतर्गत महिलांना दर महिन्याला १५०० रुपये दिले जातात. महाराष्ट्रातील महिलांना आर्थिक मदत मिळावी, या उद्देशातून ही योजना राबवण्यात येणार आहे. महिलांसोबतच मुलींसाठीही योजना राबवण्यात आली आहे. मुलींसाठी लेक लाडकी योजना राबवण्यात आली आहे. या योजनेअंतर्गत मुलींच्या जन्मापासून ते १८ वर्षांची होईपर्यंत १ लाख रुपये दिले जातात. लेक लाडकी योजना नक्की काय आहे? जाणून घेऊया.

राज्य सरकारने २०२३ पासून लेक लाडकी योजना सुरु केली. ही योजना माझी कन्या भाग्यश्री योजनेची सुधारित योजना आहे. मुलींच्या जन्मास प्रोत्साहन देण्यासाठी, मुलींना सक्षम करण्यासाठी ही योजना राबवली जाते. या योजनेचे मुख्य उद्दिष्ट मुलींनी शिकावे आणि बालविवाह रोखणे हे आहे. (Ladki Bahin Vs Lek Ladki Yojana)

लाडकी बहीण योजनेअंतर्गत मुली १८ वर्षांच्या होईपर्यंत १ लाख रुपये दिले जातात. पिवळे आणि केशरी रेशन कार्ड असणाऱ्या कुटुंबातील मुलींना हे पैसे दिले जातात. मुलीच्या जन्मानंतर ५ हजार रुपये तर ती पहिलीत गेल्यावर ६ हजार रुपये दिले जातात. मुलगी ६वीत गेल्यात ७ हजार रुपये दिले जातात. मुलगी १८ वर्षांची झाल्यानंतर ७५ हजार रुपये दिले जातात. त्यामुळे मुली १८ वर्षांच्या होईपर्यंत १ लाख १ हजार रुपये दिले जातात. (Lek Ladki Yojana)

योजनेचा लाभ कोणाला मिळणार? (Lek Ladki Yojana Application)

पिवळ्या व केशरी रंगाचे रेशनकार्ड असणाऱ्या कुटुंबातील मुलींना या योजनेचा लाभ मिळणार आहे. एका कुटुंबातील फक्त २ मुलींना या योजनेचा लाभ मिळणार आहे. या योजनेचा लाभ घेण्यासाठी मुलींच्या आई-वडिलांनी कुटुंब नियोजन शस्त्रक्रिया करणे गरजेचे आहे. २०२३ नंतर जन्माला आलेल्या मुलींसाठी ही योजना आहे. या योजनेचा लाभ घेण्यासाठी मुलगी महाराष्ट्राची रहिवासी असणे गरजेचे आहे.

कागदपत्रे

या योजनेत अर्ज करण्यासाठी मुलीचा जन्मदाखला, उत्पन्न दाखला, आधार कार्ड, पासबुक, रेशन कार्ड, शाळेचा दाखला असणे गरजेचे आहे. त्याचसोबत या योजनेचा लाभ घेण्यासाठी मुलीचे लग्न झालेले नसावे.