सर्वसामान्यांनासाठी LIC हे हक्काचं गुंतवणुकीचं साधन आहे. एलआयसीदेखील विविध उत्पन्न गटासाठी वेगवेगळ्या प्रकारच्या योजना घेऊन येते. एलआयसीच्या महिलांसाठी देखील काही खास योजना आहेत. त्यातील एक योजना म्हणजे LIC आधार शिला योजना. या योजनेचं खास वैशिष्ट्य असं की दररोज अवघ्या 58 रुपयांच्या छोट्या गुंतवणुकीतून मोठी रक्कम उभारली जाऊ शकते.
LIC आधार शिला योजना ही एक नॉन-लिंक्ड, जीवन विमा योजना आहे. या योजनेत फक्त महिलाच गुंतवणूक करू शकतात. या पॉलिसीच्या मॅच्युरिटीवर गुंतवणूकदाराला निश्चित रक्कम मिळते. जर पॉलिसीधारकाचा पॉलिसी पूर्ण होण्यापूर्वी मृत्यू झाला तर अशा परिस्थितीत कुटुंबाला आर्थिक मदत मिळते.
('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)
आधार कार्डधारक प्रत्येक महिला या योजनेत गुंतवणूक करू शकते. यामध्ये गुंतवणूक करण्यासाठी महिलेचे वय 8 ते 55 वर्षे दरम्यान असावे लागते. तुम्ही ही पॉलिसी 10 वर्षे ते 20 वर्षांच्या कालावधीसाठी खरेदी करू शकता. मॅच्युरिटीच्या वेळी महिलेचे कमाल वय 70 वर्षे असू शकते. या योजनेत तुम्हाला 2 लाखांपासून कमाल 5 लाख रुपयांपर्यंतची विमा रक्कम मिळू शकते. (Latest Marathi News)
जर तुम्ही दररोज 58 रुपये गुंतवले तर या योजनेत तुम्हाला मॅच्युरिटीच्या वेळी लाखो रुपये मिळतील. तुम्ही तुमची प्रीमियम रक्कम मासिक, त्रैमासिक, सहामाही किंवा वार्षिक आधारावर भरू शकता. समजा सध्या तुमचे वय 20 वर्षे आहे.
आजपासून तुम्ही दररोज 58 रुपये जमा केल्यास म्हणजेच या योजनेत गुंतवणूक केल्यास, वार्षिक आधारावर तुम्हाला 21,918 रुपये प्रीमियम जमा करावा लागेल. तुम्ही त्यात सतत 20 वर्षे गुंतवणूक केल्यास, तुमची विमा रक्कम 4,29,392 रुपये असेल. अशा प्रकारे, जेव्हा पॉलिसी 20 वर्षांनी मॅच्युअर होईल तेव्हा तुम्हाला 7,94,000 रुपये मिळतील.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
