Gold Tax: महिला किती सोनं ठेवू शकतात? सरकारला विक्रीवर कर भरावा लागतो का? जाणून घ्या नियम

Tax On Gold : घरात किती सोने ठेवता येते आणि त्यावर काही विशिष्ट मर्यादा आहेत का? महिला किती सोने ठेवू शकतात, हे तुम्हाला माहीत आहे का? हे जाणून घेऊ.
Gold Tax: महिला किती सोनं ठेवू शकतात? सरकारला विक्रीवर कर भरावा लागतो का? जाणून घ्या नियम
Gold TaxGoods Returns

भारताच्या लोकांना सोन्याबद्दल खूप आकर्षण असतं. विशेषतः महिलांचं सोन्याप्रती खूप प्रेम असतं. या कारणामुळे भारतीय कुटुंबांमध्ये सोने ही सर्वात लोकप्रिय मालमत्ता आहे. भारतातील जवळपास प्रत्येक कुटुंबाकडे काही प्रमाणात सोने आहे. दागिने असोत, नाणी असोत किंवा आधुनिक गुंतवणूक योजना असो, प्रत्येक कुटुंबाकडे कोणत्या ना कोणत्या स्वरूपात सोने असते.

सोन्याला नशीब आणि संपत्तीचे प्रतीक मानलं जातं. पण घरात किती सोने ठेवता येते. याला काही मर्यादा आहेत का? तुम्हीही घरात सोने ठेवत असाल तर तुम्हाला याबाबतचे नियम जाणून घेणं आवश्यक आहे. भारत सरकारने सोने खरेदी, विक्री, किंवा गुंतवणूक म्हणून घरी ठेवण्यासाठी काही नियम बनवलेत.

काय आहेत नियम

सेंट्रल बोर्ड ऑफ डायरेक्ट टॅक्सेस (CBDT) नुसार, तुम्ही घरात फक्त ठराविक प्रमाणातच सोने ठेवू शकता. त्यामुळे तुमच्याकडे कितीही सोने असले तरी ते कसे मिळवले याचा पुरावा तुमच्याकडे असणे आवश्यक आहे. प्राप्तिकर कायद्यानुसार विवाहित महिला 500 ग्रॅम सोने स्वत:जवळ ठेवू शकते. तर अविवाहित महिलांसाठी सोन्याची मर्यादा 250 ग्रॅम ठेवण्यात आली आहे. कुटुंबातील पुरुषांना फक्त 100 ग्रॅम सोने ठेवण्याची परवानगी आहे.

वारशातून मिळालेल्या सोन्यावर कर लागतो का?

तुम्ही घोषित उत्पन्नातून किंवा करमुक्त उत्पन्नातून सोने खरेदी केले असेल किंवा ते कायदेशीररित्या वारसाहक्काने मिळाले असेल तर त्यावर कोणताही कर लागत नाही. सोने घरात ठेवल्यावर कोणताही कर भरावा लागत नाही, परंतु सोने विकल्यास त्यावर कर भरावा लागतो. तीन वर्ष घरात सोने ठेवल्यानंतर त्याची विक्री केली तर त्यातून येणाऱ्या नफ्यातून टर्म कैपिटल गेन्स (LTCG) टॅक्स लागतो. हा दर २० टक्के असतो.

गोल्ड बाँड्सच्या विक्रीवर किती कर लागतो?

जर सार्वभौम सुवर्ण रोखे (SGB) (गोल्ड बाँड्स) 3 वर्षांच्या आत विकले तर विक्रेत्याच्या उत्पन्नात नफा जोडला जातो आणि कर स्लॅबनुसार आयकर आकारला जातो. तीन वर्षांनंतर विकल्यास, नफ्यावर इंडेक्सेशनसह 20 टक्के आणि इंडेक्सेशनशिवाय 10 टक्के कर आकारला जातो. रोखे मुदतपूर्तीपर्यंत ठेवल्यास नफ्यावर कर लागत नाही.

Gold Tax: महिला किती सोनं ठेवू शकतात? सरकारला विक्रीवर कर भरावा लागतो का? जाणून घ्या नियम
Gold Price Fall : सोन्याचा भाव घसरला अन् चांदी महागली; वाचा मुंबई आणि पुण्यातील आजच्या किंमती

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com