Tech News: सावधान! ऑफिसच्या लॅपटॉपवर WhatsApp Web चालवणं आहे घातक, काय आहे धोका?

तुम्ही ऑफिसच्या डेकस्टॉप किंवा लॅपटॉपवर व्हॉट्सअॅप वेब वापरतात का? तर सावध व्हा. ऑफिसच्या लॅपटॉपवर व्हॉट्सअॅप वेब चालवणं धोक्याचं बनू शकतं. जर तुम्हाला तुमच्या ऑफिसच्या लॅपटॉपवर व्हॉट्सअॅप वेब वापरण्याची सवय असेल, तर तुमची ही सवय बदला. भारत सरकारच्या MeitY (इलेक्ट्रॉनिक्स आणि माहिती तंत्रज्ञान मंत्रालय) ने एक मार्गदर्शक सूचना दिलीय. सरकारने लोकांना ऑफिसच्या लॅपटॉप आणि डेकस्टॉपवर व्हॉट्सअॅप वेब वापरणे थांबवण्याची विनंती केलीय.

सरकारने अशी सूचना देण्यामागे एक धक्कादायक कारण आहे. जे जाणून घेतल्यानंतर तुम्ही ऑफिसच्या लॅपटॉपवर व्हॉट्सअॅप वापरणं लगेच बंद कराल. ऑफिस लॅपटॉपवर वैयक्तिक चॅट्स आणि फाइल्समध्ये अॅक्सेस करणे सोपं होतं असतं. पण असं केल्याने तुमची वैयक्तिक माहिती तुमच्या कंपनीतील लोकांना मिळू शकते.

या अ‍ॅडव्हायझरीमध्ये असा इशारा देण्यात आला आहे की व्हॉट्सअॅप वेब वापरल्याने तुमच्या लॅपटॉपच्या अॅडमिनिस्ट्रेटर आणि आयटी टीमला तुमच्या खासगी गोष्टी किंवा चर्चा आणि वैयक्तिक फाइल्सचा अॅक्सेस मिळू शकतो. हे मॅलवेअर, स्क्रीन-मॉनिटरिंग सॉफ्टवेअर किंवा ब्राउझर हायजॅकिंगसह अनेक प्रकारे होऊ शकते.

कामाच्या ठिकाणी वाढत्या सायबरसुरक्षा चिंतेच्या पार्श्वभूमीवर सरकारने हा इशारा दिलाय. कारण सरकारच्या माहिती सुरक्षा जागरूकता पथकाने कॉर्पोरेट उपकरणांवर मेसेजिंग प्लॅटफॉर्मच्या वापरण्याशी संबंधित धोके काय आहेत याची सूचना केलीय. ऑफिस वाय-फाय वापरल्याने कंपन्यांना कर्मचाऱ्यांच्या फोनवर काही प्रमाणात अॅक्सेस मिळू शकतो, ज्यामुळे तुमचा खासगी डेटा धोक्यात येऊ शकतो.

जर तुम्हाला व्हॉट्सअॅप वेब वापरणे आवश्यक असेल, तर सरकारने काही खबरदारी घेण्याचा सल्ला दिला आहे. व्हॉट्सअॅप वेब वापरल्यानंतर, लॉग आउट करा.एखाद्या अज्ञात व्यक्तीकडून लिंकवर क्लिक करताना किंवा अटॅचमेंट उघडताना काळजी घ्या.