Gold Silver Price Sunday: युद्धामुळे सोने-चांदीचे दर कडाडले; वाचा मुंबई-पुण्यासह तुमच्या शहरातील नवे दर

Sona Chandi Rate:

गाझा येथून शनिवारी हमासच्या दहशतवाद्यांनी इस्त्रायलवर हल्ला केला. यामुळे प्रत्युत्तरात इस्त्रायलने युद्धाची घोषणा केली आहे. यामुळे जागतिक बाजारपेठेत सोने-चांदीच्या दरांनी मोठी उसळी घेतलीये. सराफा बाजारातून आजचे सोने-चांदीचे दर जाहीर करण्यात आलेत. त्यानुसार २४ कॅरेट सोन्याचे दर ५७,५४० रुपयांवर पोहचलेत. (Latest Marathi News)

सोन्याचे दर कितीने वाढले?

सोन्याच्या दरांनी आज मोठी उच्चांकी गाठलीये. २४ कॅरेट १ तोळा सोन्याची किंमत ३१० रुपयांनी वाढलीये. त्यानुसार प्रति तोळा सोन्याचे दर ५७,६९० रुपयांवर पोहचलेत. २२ कॅरेट सोन्याचे दरांत २५० रुपयांनी वाढ झालीये. त्यानुसार प्रति तोळा सोन्याची किंमत ५२,९०० रुपये प्रति तोळा आहे.

प्रमुख महानगरांमधील सोन्याच्या किंमती

मुंबईत २४ कॅरेट सोनं ५७,५४० रुपये प्रति तोळा आणि २२ कॅरेट सोनं ५२,७५० रुपये प्रति तोळा आहे. चेन्नईमध्ये २४ कॅरेट सोनं ५८,५८० रुपये प्रति तोळा आणि २२ कॅरेट सोनं ५३,७०० रुपये प्रति तोळा आहे. नवी दिल्लीमध्ये २४ कॅरेट सोनं ५८,६९० रुपये प्रति तोळा आणि २२ कॅरेट सोनं ५२,९०० रुपये प्रति तोळा आहे. कोलकत्तामध्ये २४ कॅरेट सोनं ५७,५४० रुपये प्रति तोळा आणि २२ कॅरेट सोनं ५२,७५० रुपये प्रति तोळा आहे.

चांदीचे दर कितीने वाढले?

युद्धामुळे चांदीच्या दरांमध्येही मोठी वाढ झालीये. चांदीचे दर १,५०० रुपये प्रति किलो मागे वाढले आहे. त्यामुळे चांदीचे ७२,१०० रुपये प्रति किलोवर पोहचलीये. मुंबईत चांदी ७२१००.०० रुपये प्रति किलो आहे. पुण्यात प्रति किलो चांदीचे दर ७२१००.०० रुपये किलो आहेत.