Gold Silver Price Today (28th October): दिवाळीपूर्वीच सोनं ६२ हजारांवर, चांदीची चकाकी उतरली; तुमच्या शहरातील आजचा भाव किती?

Gold Silver Rate In Maharashtra (28th October):

दिवाळीपूर्वीच सोन्याच्या दरात मोठी वाढ झालेली पाहायला मिळाली आहे. ऑक्टोबर महिन्याच्या सुरुवातीला धातूंच्या किमतीत घसरण झाली होती. परंतु, दिवाळीपर्यंत सोन्याच्या भावात आणखी वाढ होण्याची शक्यता तज्ज्ञांनी वर्तवली आहे.

सणासुदीच्या काळात ग्राहकांचा कल हा सोने खरेदीवर अधिक प्रमाणात असतो. परंतु, या काळात सोन्याचे भाव वाढल्याने सराफ बाजारात सोन खरेदीसाठी शुकशुकाट पाहायला मिळत आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

मागच्या दोन महिन्याच्या तुलनेत सोन्याच्या दरात घसरण पाहायला मिळाली. अखाती देशातील युद्धाचा परिणाम धातूवर दिसून आला. आज सोन्याचा भाव ६२ हजारांवर पोहोचला आहे. हा दर दसऱ्यांपूर्वीच वाढल्यामुळे दिवाळीत (Diwali) आणखी वाढण्याची शक्यता आहे.

मागील पंधरा दिवसात सोन्याच्या भावात झपाट्याने वाढ झाली आहे. अशातच मागच्या १० दिवसांमध्ये सोन्याच्या भावात तब्बल ३००० रुपयांनी (Price) वाढ झाली. गुड रिटर्न्सच्या वेबसाइटसनुसार आज २२ कॅरेटनुसार १ ग्रॅम सोन्यासाठी ५,७५५ रुपये मोजावे लागणार आहेत तर २४ कॅरेटनुसार १ तोळ्यासाठी ६२,७७० रुपये मोजावे लागणार आहे. आज २४ कॅरेटच्या सोन्याच्या भावात ६६० रुपयांनी वाढ झाली आहे. चांदीच्या भावात किंचित घसरण झालेली पाहायला मिळाली. आज १ किलो चांदीसाठी ७४,६०० रुपये मोजावे लागणार आहेत.

महाराष्ट्रातील प्रमुख शहरात मुंबई (Mumbai)-पुणे आणि नागपूरमध्ये आज २४ कॅरेटसाठी सोन्याचा भाव हा ६२,६२० रुपये आहे तर ठाण्यातही हाच भाव पाहायला मिळाला आहे. नाशिक सारख्या शहरात २४ कॅरेटनुसार १० ग्रॅमसाठी ६२,६५० रुपये मोजावे लागणार आहे.