Gold Silver Price Today (16th October): नवरात्रीत सोन्याचा भाव गडगडला, चांदीही घसरली; जाणून घ्या तुमच्या शहरातील दर

Gold Silver Rate In Maharashtra (16th October):

सणासुदीचे दिवस सुरु झाले असून सोन्याचा भाव घसरला आहे. त्यामुळे आज सराफ बाजारात खरेदीदारांची मंदियाळी पाहायला मिळेल. मागच्या आठवड्याभरापासून सोन्याच्या किमतीत चांगलीच वाढ पाहायला मिळाली. इस्राइल हमास युद्धाचा परिणाम सोन्यावर दिसून आला.

मागच्या काही काळात सोन्याच्या किमतीत काही दिवसांपूर्वी ५ हजारांनी घसरण पाहायला मिळाली. अशातच शनिवारी सोन्याचा दर हा ६० हजारांवर येऊन पोहोचला होता. परंतु, आज सोन्याच्या दरात घसरण झाली आहे. महाराष्ट्रात सोन्याचा भाव किती यावर नजर टाकूया.

मल्टी कमोडिटी एक्सचेंजवर सोन्याची (Gold) किमत ५९००० रुपये प्रति १० ग्रॅम आहे. तर चांदीचा भाव हा ७१००० च्या जवळपास आहे. आज MCX नुसार सोन्याचा भाव 0.35 टक्क्यांनी घसरुन ५९१९८ रुपये प्रति तोळा असणार आहे. याशिवाय चांदीचा (Silver) भाव हा 71,135 रुपये प्रति किलो झाला आहे.

1. तुमच्या शहरातील सोन्याचे आज दर

गुड रिटर्न्सच्या वेबसाइट्नुसार आज मुंबई (Mumbai)-पुण्यात २४ कॅरेटसाठी ६०,११० रुपये मोजावे लागणार आहे. तर नाशिकमध्ये ६०,१४० रुपये प्रति तोळ्यासाठी मोजावे लागतील. नागपूरमध्ये देखील प्रति तोळ्याला ६०,११० आज मोजावे लागतील.

2. आंतरराष्ट्रीय बाजारात सोन्याचा भाव किती?

अमेरिकेत सोन्याच्या भावाने महिन्याभरापूर्वी विक्रमी पातळी गाठली होती. इस्त्राइल आणि हमास युद्धामुळे दरात चढ-उतार पाहायला मिळेल. अशातच सोन्याची किंमत 0.5 टक्क्यांनी घसरून $1,921.69 प्रति तोळा आहे.