Today's Gold Silver Rate : सलग दुसऱ्या दिवशी सोन्याचा भाव घसरला; वाचा तुमच्या शहरातील नवे दर

एप्रिल महिन्यात सोन्याचे भाव मोठ्याप्रमाणावर वाढले होते. अशात आज १ मे कामगार दिनी सोन्याच्या दरांत घसरण झाल्याचं दिसत आहे. लग्न सराईमुळे अनेक नागरिकांसाठी ही दिलासादायक बाब आहे.

सलग तीन आठवड्यांनंतर सोन्याचे दर कमी झालेत. काल देखील सोन्याचा भाव घसरला त्यानंतर आज सुद्धा तब्बल १ हजार रुपयांनी सोन्याचे दर कमी झाले आहेत. गेल्या काही दिवसांपासून जगभरात काही देशांमध्ये युद्ध सुरू आहेत. यामुळे सोन्यासह विविध गोष्टींवरी भाव वाढताना दिसत होता. मात्र आता मोठ्या प्रमाणावर दर घसरलेत.

२२ कॅरेट सोन्याचा भाव

भारतात आज सोन्यामध्ये १००० रुपयांनी घट झाली आहे. त्यामुळे प्रति तोळा २२ कॅरेट सोन्याचा भाव ६५,५५० रुपयांवर पोहचलाय. तर १०० ग्राम सोन्याच्या दरात १०,००० रुपयांची घसरण होऊन आजचा भाव ६,५७,००० इतका आहे.

२४ कॅरेट सोन्याचा भाव

भारतात आज २४ कॅरेट सोन्याचे दर १०९० रुपयांनी घसरले आहेत. प्रति तोळा सोन्यात ही घसरण झाली असून आज ७१,६६० रुपयांनी सोनं विकलं जातंय. १०० ग्रॅम सोन्यामागे १०,९०० रुपयांची घट झाली असून ७,१६,६०० रुपयांवर सोन्याचा भाव पोहचला आहे.

चार प्रमुख महानगरांमधील सोन्याचे दर

चेन्नईमध्ये आज २४ कॅरेट सोन्याची किंमत ७२,३८० रुपये आहे. तर २२ कॅरेट सोन्याची किंमत ६६,३५० रुपये इतकी आहे.

मुंबईमध्ये २४ कॅरेट सोन्याची किंमत ७१,५१० रुपये आहे. तर २२ कॅरेट सोन्याची किंमत ६५,५५० रुपये इतकी आहे.

दिल्लीमध्ये आज २४ कॅरेट सोन्याची किंमत ७१,६६० रुपये आहे. तर २२ कॅरेट सोन्याची किंमत ६५,७०० रुपये इतकी आहे.

कोलकत्तामध्ये २४ कॅरेट सोन्याची किंमत ७१,५१० रुपये आहे. तर २२ कॅरेट सोन्याची किंमत ६५,५५० रुपये इतकी आहे.

पुण्यातील सोन्याच्या किंमती

पुण्यामध्ये आज २४ कॅरेट सोन्याचा भाव ७१,५१० रुपये इतका आहे. तर २२ कॅरेट सोनं ६५,५५० रुपयांनी विकलं जातंय. १८ कॅरेट सोनं ५३,६३० रुपयांनीआ आज विकलं जात आहे.

चांदीचे दर

आज चांदीच्या दरामध्ये देखील घसरण झाली आहे. प्रति किलो चांदीच्या दरात ५०० रुपयांनी घसरण झाली आहे. त्यामुळे आज १ किग्रा चांदीची किंमत ८३,००० रुपये इतकी आहे.