Gold Rate Prediction: सोनं ४०-५० हजारांनी होणार स्वस्त? पण कधी? तज्ज्ञांनी सांगितली कारणे

सोन्याचे दर गेल्या अनेक महिन्यांपासून वाढत आहेत. सोन्याने आतापर्यंतचा उच्चांक गाठला आहे. सोन्यासोबतच चांदीलाही चकाकी आली आहे. सोन्याच्या दरात एकाच दिवसात १४०० रुपयांनी वाढ झाली आहे. दरम्यान, सणासुदीच्या दिवसात सोन्याचे दर वाढल्याने सर्वसामान्यांच्या खिशाला फटका बसत आहे. सध्या सोन्याचे दर प्रति तोळा १,१९,५२२ रुपये झाले आहेत. दरम्यान, चांदीचे दर १,४७,६७५ रुपये प्रति किलो आहेत. सोन्याच्या भावात आता कपात होऊ शकते, याबाबत एक रिपोर्ट समोर आला आहे.

सोन्याचे दर का वाढलेत?

सोन्याचे भाव वाढण्यासाठी आंतरराष्ट्रीय बाजारातील स्थिती जबाबदार असल्याचे म्हटले आहे. अमेरिकेने भारतावर लावलेल्या टॅरिफमुळे हे दर वाढले आहेत. त्यामुळे अनेकजण शेअर मार्केटमधून पैसे काढून सोने खरेदीसाठी वापरत आहेत. याचसोबत यूएस सरकारच्या शटडाउनचा परिणाम जगभरातील आर्थिक परिस्थितीवर झाला आहे. यामुळे जागतिक बाजारात अनिश्चितता आहे.याचा परिणाम सोन्यावरदेखील झाला आहे.

सोन्याचे दर घसरणार? (Gold Rate Will Fall)

सोन्याच्या वाढत्या दरावर तज्ज्ञांनी मत मांडले आहे. सोन्याच्या दरात कपात होऊ शकते.२१ सप्टेंबर रोजी एक इव्हेंट झाला होता. त्यामुळे जेपी मॉर्गन कंपनीने याबाबत माहिती दिली होती. जेपी मॉर्गनचे सीईओ जेमी डिमन यांनी सांगितले की, सोन्याचे दर कधीही कमी होऊ शकतात.सध्या सोन्याच्या दराने उच्चांक गाठला आहे. परंतु ही वाढ काही काळापुरती मर्यादित आहे. त्यांनी सांगितले की, सोम्याचे दर ४० टक्क्यांनी कमी होऊ शकतात. याचसोबत ICICI प्रूडेंशियलनेदेखील सोन्याचे दर घसरणार असल्याची शक्यता वर्तवली आहे.

सोन्याचे दर का घसरणार? (Gold Rate Decrease Reasons)

सिटी रिसर्चच्या रिपोर्टनुसार, सोन्यासाठी लोकांचे असलेले आकर्षण कमी झाले आहे. सध्या सोने खरेदी करण्याच्या संख्येत वाढ झाली आहे.दरम्यान, सोन्याची मागणी कमी झाल्यानंतर हे दर घसरू शकतात. तसेच जगात ज्या देशांमध्ये युद्ध सुरु आहे ते कमी झाल्यानंतरही या किंमती कमी होऊ शकतात. आंतरराष्ट्रीय बाजारपेठेतील तणाव कमी झाल्यानंतर सोन्याचे दर घसरण्याची शक्यता आहे.