सोनं खरेदीदारांसाठी सुवर्णयोग; १० तोळं सोनं १९ हजारांनी स्वस्त, चांदीच्या भावातही कमालीची घट

गेल्या काही दिवसांपासून सोनं अन् चांदीच्या भावात कमालीचा चढ उतार पाहायला मिळत आहे. दिवाळीत सोन्याच्या दरात घसरण झाली होती. मात्र, त्यानंतर सोन्याच्या भावात वाढ झाली असल्याचं पाहायला मिळालं. विक्रमी वाढीनंतर आज सोन्याच्या दरात घसरण झाली आहे. तसेच चांदीच्या दरातही घसरण झाली आहे. सोनं आणि चांदी खरेदीसाठी आज सुवर्णयोग म्हटलं तर वावगं ठरणार नाही.

आज ३० ऑक्टोबर २०२५. महिना अखेरीस सोन्याच्या भावात घट झाली आहे. २४ कॅरेट १० ग्रॅम सोन्याच्या दरात १,९१० रूपयांची घसरण झाली आहे. २४ कॅरेट १ तोळं सोनं खरेदीसाठी आपल्याला १,२०,४९० रूपये मोजावे लागतील. तर, २४ कॅरेट १०० ग्रॅम सोन्याच्या दरात १९,१०० रूपयांची घसरण झाली आहे. २४ कॅरेट १० तोळं सोनं खरेदीसाठी आपल्याला १२,०४,९०० रूपये मोजावे लागतील.

२४सह २२ कॅरेट सोन्याच्या भावातही घसरण झाली आहे. २२ कॅरेट १० ग्रॅम सोन्याच्या दरात १,७५० रूपयांची घसरण झाली आहे. २२ कॅरेट १ तोळं सोनं खरेदीसाठी आपल्याला १,१०,४५० रूपये मोजावे लागतील. तर, २२ कॅरेट १०० ग्रॅम सोन्याच्या दरात १७,५०० रूपयांची घसरण झाली आहे. २२ कॅरेट १० तोळं सोनं खरेदीसाठी आपल्याला ११,०४,५०० रूपये मोजावे लागतील.

१८ कॅरेट सोन्याच्या दरातही घसरण पाहायला मिळत आहे. १८ कॅरेट १० ग्रॅम सोन्याच्या भावात १,४३० रूपयांची घसरण झाली आहे. १८ कॅरेट १ तोळं सोनं खरेदीसाठी आपल्याला ९०,३७० रूपये मोजावे लागतील. तर, १८ कॅरेट १०० ग्रॅम सोन्याच्या दरात १४,३०० रूपयांची घसरण झाली आहे. १८ कॅरेट १० तोळं खरेदीसाठी आपल्याला ९,०३,७०० रूपये मोजावे लागतील.

सोन्यासह चांदीही स्वस्त झाली आहे. १ किलो चांदीमागे १००० रूपयांची घसरण झाली आहे. १ किलो चांदी खरेदीसाठी आपल्याला १,५१,००० रूपये मोजावे लागतील.