Gold Price: देशात सोनं टंचाई? आयात रखडली, किंमती वाढणार? व्यवहारांनाही मोठा ब्रेक

Gold Price: भारत आणि संयुक्त अरब अमिराती (UAE) यांच्यातील व्यापार करारानुसार (CEPA) होणाऱ्या सोन्याच्या आयातीवर सध्या मोठे संकट ओढवले आहे. 2026-27 या आर्थिक वर्षासाठीचा नवीन टॅरिफ रेट कोटा अद्याप जाहीर न झाल्यामुळे देशभरात सोन्याच्या आयातीला मोठा ब्रेक लागलाय... आयात प्रक्रिया रखडल्यामुळे सराफा बाजारात खळबळ उडाली असून, भविष्यात सोने-चांदीच्या किंमती आणखी भडकण्याची दाट शक्यता वर्तवली जातेय...

सध्या सोन्याच्या आयातीसाठी आवश्यक परवाने अत्यल्प प्रमाणात उपलब्ध आहेत. परकीय व्यापार महासंचालनालयाकडे (DGFT) पाठपुरावा करूनही अंतिम निर्णय झालेला नाही. त्यामुळे सोने- चांदीच्या निर्यात प्रक्रियेत अडथळे निर्माण झाल्यानं मागणी असूनही व्यवहार पूर्ण करता येत नसल्याची नाराजी सराफांनी व्यक्त केलीय...

'इंडिया इंटरनॅशनल बुलियन एक्सचेंज' मार्फत होणाऱ्या मोठ्या व्यवहारांना फटका बसलाय.. 10 किलो किंवा 100 किलोसारख्या मोठ्या ऑर्डर्स पूर्ण करणे छोट्या आणि विखुरलेल्या परवान्यांमुळे जिकिरीचं ठरतयं... सोन्याचा नवीन कोटा जाहीर न झाल्यानं अनधिकृत व्यापार आणि तस्करीत वाढ होण्याची भीती निर्माण झालीय...

सोन्याच्या आयातीवर निर्माण झालेली ही तंणावपूर्ण परिस्थिती आणि परवान्यांची टंचाई पाहता, देशांतर्गत बाजारात सोन्याचा तुटवडा जाणवणार आहे.... पुरवठा कमी आणि मागणी कायम राहिल्यास आगामी काळात सोने आणि चांदीच्या किंमतीत मोठी वाढ होण्याची शक्यता वर्तवली जातेय...त्यामुळे सरकार काय भूमिका घेणार याकडे देशाचं लक्ष लागलंय.