Gold Silver News : सोन्यासह चांदीच्या दरांत मोठी उसळी; वाचा तुमच्या शहरातील भाव किती वाढला?

एप्रिलपासून सोने-चांदीचे भाव वाढण्यास सुरुवात झाली. त्यानंतर मात्र हे भाव काहीसे कमी-कमी होत गेले. सीमा शुल्क कपातीची घोषणा झाल्यानंतर पुन्हा भाव कमी झाले. मात्र अमेरिकन बँकांची स्थिती बिकट होत असताना ऑगस्ट महिन्यापासून सोने-चांदीचे भाव पुन्हा एकदा वाढू लागले. गेल्या आठवड्यात ७३ हजारांच्या आत असलेल्या सोन्याचे भाव गुरुवारी ७४ हजार ३०० रुपयांवर पोहोचले. शुक्रवारी ३०० शनिवारी ५०० रुपये असे दोन दिवसात ८०० रुपयांची वाढ होऊन सोने ७६ हजार ०८० रुपये प्रति तोळ्यावर पोहोचले. जागतिक पातळीवर सोने खरेदीकडे कल वाढल्याने भाव दरात चढ होत असल्याचा हा परिणाम असल्याचे सुवर्ण व्यावसायिक सांगत आहेत.

आजचा २२ कॅरेटचा भाव

१०० ग्रॅम सोन्याचा भाव - ६, ९७, ५०० रुपये

१० ग्रॅम सोन्याचा भाव - ६९,७५० रुपये

८ ग्रॅम सोन्याचा भाव - ५५,८०० रुपये

१ ग्रॅम सोन्याचा भाव - ६,९७५ रुपये

२४ कॅरेट सोन्याचा भाव

१०० ग्रॅम सोन्याचा भाव - ७,६०,८०० रुपये

१० ग्रॅम सोन्याचा भाव - ७६,०८० रुपये

८ ग्रॅम सोन्याचा भाव - ६०,८६४ रुपये

१ ग्रॅम सोन्याचा भाव - ७,६०८ रुपये

विविध शहरांतील सोन्याचा भाव

जळगावात सोन्याच्या भावात वाढ होऊन ते ७५ हजारावर प्रति तोळ्यावर पोहोचले आहे. सोने पुन्हा एकदा उच्चांकी भावावर पोहोचले आहे.

मुंबईमध्ये १ ग्रॅम २२ कॅरेट सोन्याचा भाव ६,९६० रुपये आहे. तर २४ कॅरेट सोन्याचा भाव आज ७,५९३ रुपये आहे. पुण्यात २२ कॅरेट सोन्याचा भाव ६,९६० रुपये आहे. तर २४ कॅरेट सोन्याचा भाव ७,५९३ रुपये इतका आहे. नागपूर आणि नाशिकमध्ये देखील सोन्याचा भाव हाच आहे.

चांदीच्या ताज्या किंमती काय?

आज चांदीच्या दरात देखील मोठी वाढ झाली आहे. गुडरिटर्नसवर आलेल्या माहितीनुसार, चांदी प्रति किलो ९३,००० रुपये इतकी झाली आहे. राज्यातील विविध शहरांत चांदी याच किंमतीने विकली जात आहे.

दिवाळीमध्ये भाव आणखी वाढणार?

सोन्याचा वाढता दर पाहून दिवळी आणि पुढे लग्नसराईमध्ये देखील भाव आणखी वाढणाक का? अशी चिंता सामान्य नागरिकांच्या मनात येत आहे. सीमा शुल्क कपातीची घोषणा होण्याआधी सोन्याचा भाव लाख रुपये प्रति तोळा होण्याची चर्चा होती. त्यामुळे खरोखर सोन्याचा भाव इतका वाढणार की कमी होणार याकडे साऱ्यांचं लक्ष लागलं आहे.