Farm Road: नवीन शेतरस्ता हवा? कसा कराल अर्ज, कोणती कागदपत्रे आहेत आवश्यक?

शेतात जाण्यासाठी योग्य रस्ता असणे अत्यंत महत्त्वाचे असते. शेतमाल वाहतूक, पाणीपुरवठा, शेतीची देखभाल आणि आपत्कालीन परिस्थितीत शेतात जलद पोहोचण्यासाठी रस्ता चांगला असणं आवश्यक असतं. बऱ्याचवेळा शेतरस्त्यांवरून शेतकऱ्यांमध्ये वाद होत असतात. महाराष्ट्र जमीन महसूल अधिनियमात शेतकऱ्यांसाठी नवीन शेतरस्ता मिळवून देण्याची तरतूद करण्यात आलीय. त्यानुसार तहसीलदारांकडे अर्ज करत शेतकरी आपल्या जमिनीपर्यंत रस्ता मिळवण्याची मागणी करू शकतात.

आवश्यक कागदपत्रे कोणती?

जर शेतकरी आपल्या शेताला नवीन रस्ता देण्याची मागणी करत असतील, तर त्यासाठी तहसीलदार कार्यालयात योग्य स्वरूपात अर्ज करावा लागेल. यात अर्जदाराची संपूर्ण माहिती द्यावी लागेल. जसं की,

अर्जदाराचे नाव, पत्ता, तुमचा मोबाईल नंबर , तसेच ज्या शेतासाठी रस्ता हवा आहे त्या जमिनीचा गट क्रमांक, सर्वे क्रमांक, हद्दीचे तपशील यांचा उल्लेख या अर्जात असावा. रस्ता कोणत्या दिशेने हवा आहे, कोणत्या बांधावरून हवा आहे, याचा कच्चा नकाशा जोडणे आवश्यक आहे.

शेतजमिनीचा भूमी अभिलेख विभागाकडील शासकीय मोजणी नकाशा जोडावा. यासह 7/12 उतारा द्यावा.

अर्जदाराच्या शेतजमिनीचा चालू वर्षातील 7/12 उतारा सादर करावा. लगतच्या शेतकऱ्यांची संमती

रस्ता ज्या जमिनीच्या सीमेला किंवा बांधावरून जाणार आहे, त्या सर्व शेतकऱ्यांची संमतीपत्रे आणि पत्ते आवश्यक आहेत.

जर समजा संबंधित जमिनीबाबत कोणताही वाद न्यायालयात प्रलंबित असेल तर त्याची माहिती आणि संबंधित कागदपत्रे देखील अर्जासोबत द्यावीत. काही ठिकाणी शेतकऱ्यांनी वापरत असलेला जुना रस्ता अडवला जातो, अशावेळी रस्ता मोकळा करण्यासाठी अर्ज करता येतो.

पुढील कागदपत्रे आवश्यक

चालू वर्षातील 7/12 उतारा दाखला

तीन महिन्याच्या आतील तयार केलेला मोजणी नकाशा

अडथळा निर्माण करणाऱ्या शेतकऱ्यांची माहिती द्यावी. त्यामध्ये रस्ता अडवलेल्या शेतकऱ्यांची नावे आणि पत्ते नमूद करणे आवश्यक. रस्त्यावरील अडथळे, बांधकाम किंवा तटबंदीचे फोटो आणि कच्चा नकाशा जोडावा.

ज्या शेतजमिनीवर काही वाद सुरू असेल आणि न्यायालयाने स्थगिती आदेश किंवा जैसे थे आदेश दिला असल्यास, त्याची प्रत अर्जासोबत जोडणे अनिवार्य