प्रत्येक कर्मचारी हा त्याच्या भविष्यासाठी त्याच्या पगारातला काही भाग शिल्लक ठेवत असतो. कर्मचारी भविष्य निधी संघटना (EPFO) लवकरच कर्मचाऱ्यांना त्यांचे पैसे थेट युपीआयच्या मदतीने पीएफ काढता येईल अशी सोय करून देणार आहे. याने कर्मचाऱ्यांना पीएफसाठी बॅंकेत सतत फेऱ्या घालाव्या लागणार नाहीत. ही प्रोसेस सोप्या पद्धतीने पूर्ण होईल. पण तुम्ही जर पुढील ५ गोष्टी केल्या नाहीत तर तुम्हाला याचा लाभ मिळणार नाही.
तुम्हीही तुमच्या पगारातला काही भाग भविष्यात पेन्शन म्हणून वापरणार असाल तर पुढील गोष्टींकडे लक्ष द्या. त्याने तुम्हाला व्यवहार करणं सोपं होईल.
EPFO ने ५ लाख रुपयांपर्यंतच्या पात्र दाव्यांसाठी ऑटो-सेटलमेंटसारखी प्रणाली सुरु केली आहे. त्यामुळे आता पीएफ काढणं जास्त सोपं आणि जलद झालं आहे. तज्ज्ञांच्या मते, जर तुमच्या नोंदीमध्ये काही चूका आल्या तर या नविन सुविधांचा तुम्हाला लाभ घेता येणार नाही. बऱ्याचदा पीएफ काढण्यासाठी होणारा उशीर हा नियमांमुळे नाही, तर बॅंकेचं खातं, मोबाईल नंबर किंवा नोकरीच्या नोंदींमध्ये चुका असल्यास होऊ शकतो. म्हणूनच पुढील ५ गोष्टींकडे लक्ष द्या.
तुम्हाला ईपीएफओ 3.o प्रणाली अंतर्गत UPIचा वापर करून पीएफ काढायचा असेल तर तुमचा UNA अॅक्टीव्ह करावा लागेल. नाहीतर तुम्हाला KYC, PF विथड्रॉल आणि डिजिटल सेवांचा वापरता येणार नाहीत. पासवर्ड आणि नोंदणीकृत मोबाईल नंबर योग्य असल्याची खात्री करा.
EPFO रेकॉर्डमधलं तुमचं नाव, जन्मतारीख आणि इतर माहिती आधार कार्डाशी जुळणारी असली पाहिजे. PAN आणि आधार UAN शी लिंक आणि व्हेरिफाय असेल तरच तुम्हाला ऑनलाइन पीएफ काढता येईल. नाहीतर जेव्हा तुम्ही PF काढता तेव्हा तुमचा जास्त TDS कापला जातो.
EPFO पोर्टलचं बँक खातं क्रमांक, IFSC कोड आणि खातेदाराचे नाव हे चुकलेलं नसलं पाहिजे. चुकीची किंवा बंद झालेल्या खात्याची माहिती तिथे असेल तर पैसे अडकू शकतात. त्यामुळे त्याच्याशी योग्य खातं लिंक करा.
UPI व्यवहारांसाठी OTP हा खूप महत्वाचा असतो. आधार, UAN आणि UPI शी जोडलेला मोबाईल नंबर सुरू ठेवण्याचा प्रयत्न करा. शक्य असेल तर सर्व ठिकाणी एकच मोबाईल नंबर वापरण्याचा प्रयत्न करा.
EPF खात्यातली नोकरीची माहिती आणि जुनी PF खाती बरोबर अपडेट आहे का ते तपासून घ्या. e-Nomination माहिती तिखे नसेल तर तुम्हाला अनेक अडचणींना सामोरं जावं लागू शकतं. कुटुंबात काही बदल झाला असेल तर नॉमिनीची माहिती लगेचच अपडेट करा.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.