Maruti Suzuki Alto इलेक्ट्रिक अवतारात येणार? मिळणार हे जबरदस्त फीचर्स

देशातील सर्वात मोठी कार निर्माता कंपनी मारुती सुझुकी भारतात आपल्या नवीन अल्टोवर काम करत आहे. आगामी मॉडेल सध्याच्या मॉडेलपेक्षा अनेक प्रकारे वेगळे असेल. एवढेच नाही तर नवीन अल्टोचे वजनही कमी असेल.

याशिवाय नवीन मॉडेलच्या डिझाइनमध्ये अनेक तांत्रिक बदल करण्यात येणार आहेत. मीडिया रिपोर्टनुसार, नवीन अल्टो इलेक्ट्रिक व्हर्जनमध्येही लॉन्च केली जाऊ शकते. नवीन अल्टोमध्ये काही नवीन पाहायला मिळेल? जाणून घेऊ…

नवीन अल्टोचे वजन 100 किलोने कमी होणार

रिपोर्ट्सनुसार, सध्याच्या कारचे वजन 680 किलो आहे. तर नवीन अल्टोचे वजन 580 किलोपर्यंत खाली येऊ शकते. नवीन मॉडेलचा आकारही लहान असेल. कमी वजनामुळे नवीन अल्टोमध्ये चांगले मायलेज मिळू शकते.

नवीन अल्टोमध्ये मोठे बदल होण्याची अपेक्षा आहे आणि तिचे वजन कमी करण्यासाठी, कार लहान आणि चांगलं परफॉर्मन्स देणारे इंजिन यात वापरले जाऊ शकते. नुकत्याच लॉन्च झालेल्या नवीन स्विफ्टमध्ये Z12 इंजिनचा समावेश करण्यात आला आहे. हेच इंजिन आगामी नवीन Dezire, Wagon R, Baleno आणि Frontex मध्ये देखील दिसणार आहे.

सूत्रानुसार, नवीन अल्टोचे इलेक्ट्रिक व्हर्जन लॉन्च करण्याचीही तयारी सुरू आहे. विशेष बाब म्हणजे यामध्ये मोठे बॅटरी पॅकही वापरले जाऊ शकते. बॅटरीसोबतच तुम्हाला या वाहनातून सीएनजीचा पर्यायही मिळेल, अशी शक्यता वर्तवली जात आहे.