Edible Oil Price: चमचमीत खणाऱ्यांच्या जिभेला लागणार लगाम? खाद्य तेलांच्या किंमतीत वाढ

Food Oil Price:

सणासुदीच्या काळात सर्वांच्याच घरी गोड आणि फराळाचे पदार्थ बनवले जातात. चमचमीत पदार्थ बनवण्यासाठी तेलाचा जास्त वापर केला जातो. अशात ऐन सणासुदीच्या काळात खाद्यतेलाच्या किंमतींमध्ये वाढ झाली आहे. धान्याच्या किंमतींनुसार काही तेलांचे दर वाढलेत तर काहींचे दर कमी झालेत. (Latest Marathi News)

ऐन दिवळी दसरा तोंडावर असताना अनेक मध्यमवर्गीयांच्या घरात वापरल्या जाणाऱ्या पाम तेलाच्या किंमतीही वाढल्यात. मोहरी सरकी आणि पामतेलाच्या किंमती वाढल्यात. तर सोयाबीन, शेंगदाणा आणि रिफाईंड ऑइलच्या किंमती कमी झाल्या आहेत. तेलाच्या किंमतीत २५ रुपयांपासून ते अगदी १०० रुपयांपर्यंत दर वाढलेत.

लोकमतने दिलेल्या वृत्तानुसार, फराळ आणि विविध प्रकारची मिठाई बनवण्यासाठी तेलाचा जास्तीत जास्त वापर केला जातो. यामध्ये मिठाईच्या दुकानात तसेच अनेक कुटुंबांमध्येही मोहरी, पाम आणि सरकी या तेलाचा जास्त वापर केला जातो. बाजारात वाढलेल्या मागणीमुळे या तेलाच्या किंमत वाढत आहेत.

मोहरीच्या दरांत १०० रुपयांनी वाढ झालीये. शुद्द मोहरीच्या तेलात ४५ रुपयांची वाढ झालीये. कच्च्या पामतेलाच्या किंमती देखील १०० रुपयांनी वाढल्यात. सरकी तेलाच्या किंमची २५ रुपयांनी वाढसल्यात. सोयाबीन दाण्यांच्या तेलाच्या किंमतीत घट झालीये. यामध्ये १०० रुपयांची घट झालीये.

विदेशातून विविध प्रकारच्या खाद्य तेलांची आयात होते. या तेलांच्या तुलनेत शेंगदाण्याचे तेल महाग असल्याने विक्रीला फटका बसतोय. भुईमूग आणि सोयाबीनचे दर पडल्याने तेलाच्या किंमतींवरही याचा परिणाम दिसतोय. यामुळे उत्पादक चिंतेत आहेत.