e Aadhaar App: आता घरबसल्या काही मिनिटांत करता येणार आधार अपडेट; नाव, पत्ता सर्वकाही बदलता येणार

आधार कार्डसंबंधित सर्व कामे आता डिजिटल पद्धतीने होणार आहे.यासाठी भारत सरकारने एक नवीन अॅप लाँच केले आहे. केंद्र सरकारने ई आधार अॅप लाँच केले आहे. यामध्ये तुम्ही तुमच्या स्मार्टफोनवरुन सर्व कमे अवघ्या काही मिनिटांत करु शकणार आहेत. याचसोबत नागरिकांना काही आधार कार्डमधील माहितीत काही बदल करायचे असतील तर तेदेखील ऑनलाइन होऊ शकतात. यासाठी तुम्हाला आधार केंद्रात जाण्यात गरज नाही.

ई आधार अॅपमध्ये काय असणार खास? (e Aadhaar App Features)

ई आधार अॅपवर तुम्हाला डिजिटल पद्धतीने आधार कार्ड मिळणार आहे. तुम्ही हे आधार कार्ड क्यूआर कोडच्या माध्यमातून शेअर करु शकतात. तुम्ही जी माहिती शेअर करायची आहे तेवढीच तुम्ही शेअर करु शकतात. यामुळे तुमची माहिती ही खूप सुरक्षित असणार आहे. तुम्हाला ऑफलाइन पद्धतीने कोणतीही कागदपत्रे जमा करण्याची गरज नाही.

तुम्ही घरबसल्या फोनवरुन आधार कार्डवरील नाव, जन्मतारीख आणि पत्ता अपडेट करु शकतात. तुम्हाला याबाबत फक्त काही माहिती द्यायची आहे त्यानंतर तुमच्या माहितीत बदल केले जाणार आहे.

ई आधार अॅप हे युजर फ्रेंडली असणार आहे. त्यामुळे अॅप वापरणे खूप सोपे असणार आहे. यावर तुम्हाला फिंगरप्रिंट आणि आयरिस स्कॅन यासारखे बायोमेट्रिक अपडेटदेखील मिळणार आहे.

नवीन ई आधार अॅप तुम्ही प्ले स्टोअरमधून डाउनलोड करु शकतात. अँड्रॉइड आणि अॅपल या दोन्ही डिव्हाइसवर हे अॅप उपलब्ध आहे. यामध्ये तुम्हाला बायोमेट्रिक माहिती लॉक अनलॉक करता येणार आहे.