Chai Sutta Bar Owner: व्हायचे होते IAS पण झाला चहावाला; ३ लाखात व्यवसायात उतरला, आता १५० कोटींचा मालक, वाचा Success Story

मेहनत केल्यानंतर प्रत्येक व्यक्ती हा यशस्वी होतो. कितीही वेळा अपयश आले तरीही न डगमगता त्याचा सामना करुन जो व्यक्ती सातत्याने प्रयत्न करतो तोच माणूस यशस्वी होतो. असंच यश चाय सुट्टा बारचा मालक अनुभव दुबे याने मिळवलं आहे. अनुभव दुबे यांच्या चाय सुट्टा बार या दुकानाचे संपूर्ण देशभरात आउटलेट आहेत.

अनुभव दुबे यांना आयुष्यात अनेकदा अपयशांचा सामना करावा लागला. अनुभव दुबे यांना सरकारी विभागात काम करायचे आहे. त्यांनी यूपीएससीच्या परीक्षेसाठी तयारी केली होती. मात्र, त्यांना या परीक्षेत अपयश आहे. परंतु त्यांनी हार मानली नाही. त्यांनी स्वतः चा व्यवसाय सुरु करण्याचे ठरवले. (Chai Sutta Bar Owner Anubhav Dubey Success Story)

अनुभव दुबे यांनी व्यवसाय करायचे ठरवले ते त्यांच्याकडे भांडवल नव्हते. त्यांनी सुरुवातीच्या काळात खूप मेहनतीने ३ लाखांचे भांडवल उभे केले. त्यानंतर त्यांनी स्वतः चे चहाचे पहिले दुकान सुरु केले. यानंतर त्यांनी प्रगती केली.

अनुभव दुबे यांच्या 'चाय सुट्टा बार' (Chai Sutta Bar) या शॉपची संकल्पना खूप वेगळी आहे. मातीच्या कुल्हडमध्ये चहा देण्याची ही संकल्पना लोकांना खूप आवडली. हळूहळू त्यांचा चहा ग्राहकांना खूप आवडू लागला. आता त्यांचे देशभरात ४०० आउटलेट आहेत.

देशभरातील १९५ शहरांमध्ये चाय सुट्टा बारचे शॉप (Chai Sutta Bar Outlets) आहेत. चाय सुट्टा बार हा ब्रँड दिवसेंदिवस ग्राहकांच्या पसंतीस पडत आहे. या ब्रँडचं वार्षिकउत्पन्न १५० कोटी रुपये आहे. अनुभव दुबे यांच्या कहानीतून अपयश आल्यानंतरही खचून जायचे नाही आणि प्रयत्न करत राहायचे, हा गुण शिकण्यासारखा आहे.