Central Government: सरकारी कर्मचाऱ्यांच्या कामाची बातमी! पेन्शन ते महागाई भत्ता, २०२५ मध्ये बदलले हे ५ नियम

सरकारी कर्मचारी आणि पेन्शनधारकांसाठी २०२५ हे वर्ष दिलासादायक ठरले आहे. २०२५ मध्ये सरकारी कर्मचाऱ्यांच्या सेवानिवृत्ती, पेन्शन आणि महागाई भत्ता यांच्यासंबंधित अनेक नियमांमध्ये बदल केले आहे.याचा थेट परिणाम लाखो कर्मचाऱ्यांच्या खिशावर झाला आहे. २०२५ मध्ये नवीन यूनिफाइड पेन्शन स्कीम सुरु करण्यात आली आहे. याचा फायदा अनेकांना होणार आहे. २०२५ मध्ये सरकारी कर्मचाऱ्यांसाठी काय महत्त्वाचे निर्णय घेण्यात आले ते जाणून घ्या.

१. यूनिफाइड पेन्शन स्कीम

सरकारने एप्रिल २०२५ मध्ये युनिफाइड पेन्शन स्कीम सुरु केली. ही योजना जूनी पेन्शन योजना आणि राष्ट्रीय पेन्शन योजनेसारखी आहे. आता यूपीएसमध्ये जर कर्मचारी २५ वर्ष काम करत असेल तर त्याला शेवटचे १२ महिन्यातील बेसिक सॅलरीचे ५० टक्के रक्कम पेन्शन म्हणून मिळणार आहे.

२. सेवानिवृत्तीच्या दिवशीच लागू होणार पेन्शन

सरकारने सर्व विभागांना निर्देश दिले आहेत की, सेवानिवृत्त झालेल्या दिवसापासून कर्मचाऱ्यांना पेन्शन लागू होणार आहे. यासाठी रिटायर होणाऱ्या कर्मचाऱ्यांना १२ ते १५ महिने आधीपासूनच फाइल तयार केली जाणार आहे.

३. महागाई भत्ता

महागाई भत्ता हा वर्षातून दोनदा वाढला जातो. २०२५ मध्ये जानेवारी ते जून या कालावधीत २ टक्के तर जुले ते डिसेंबर या कालावधीत ३ टक्क्यांनी वाढ झाली आहे. सध्या महागाई भत्ता ५८ टक्के आहे.

४. सेवेच्या कालावधीनुसार युनिफॉर्म भत्ता

याआधी युनिफॉर्म भत्ता हा वर्षातून एकदा निश्चित रक्कमेनुसार दिला जाईल. जर कोणीही कधीही रिटायर झाले तरीही त्यात बदल व्हायचा नाही. दरम्यान, आता तुम्हाला तुमच्या सेवेच्या कालावधीनुसार युनिफॉर्म भत्ता मिळणार आहे.

५. ग्रॅच्युटीमध्ये सुधारणा

सरकारने आता ग्रॅच्युटी आणि एकरकमी देयकाच्या नियमात बदल केले आहे. आता यूपीएस योजनेत तुम्हाला दोन्ही पेन्शन योजनांसारखा लाभ मिळणार आहे. यामुळे कर्मचाऱ्यांना खूप फायदा होणार आहे.