Bank Holiday: खातेधारकांनो लक्ष द्या! 13 ऑगस्टला बँका बंद की सुरू? जाणून घ्या तुमच्या राज्यातील अपडेट...

Bank Holiday: उद्या गुरुवारी १३ ऑगस्ट २०२६ रोजी देशातल्या सर्व बँका बंद राहणार नाहीत. रिझर्व्ह बँक ऑफ इंडियाच्या (RBI) सुट्टीच्या कॅलेंडरनुसार, १३ ऑगस्टला मणिपूरमध्ये बँकांना सुट्टी आहे. त्यामुळे तुम्ही उद्या बँकेच्या शाखेत जाण्याचा विचार करत असाल, तर तुमच्या राज्यातली बँक सुट्टी तपासणे महत्त्वाचे आहे.

१३ ऑगस्टला मणिपूरमध्ये बँका बंद

मणिपूरमध्ये Patriots' Day अर्थात देशभक्त दिवस साजरा केला जातो. यानिमित्त १३ ऑगस्टला सरकारी आणि खासगी बँकांच्या शाखा बंद राहतील. स्टेट बँक ऑफ इंडिया, पंजाब नॅशनल बँक, बँक ऑफ बडोदा, कॅनरा बँक, अॅक्सिस बँक, HDFC आणि ICICI बँकेच्या शाखांचाही यात समावेश आहे. मात्र, मणिपूर वगळता देशातील इतर राज्यांमध्ये १३ ऑगस्टला बँका नेहमीप्रमाणे सुरू राहतील.

१३ ऑगस्टला Patriots' Day का साजरा केला जातो?

मणिपूरमध्ये दरवर्षी १३ ऑगस्ट हा दिवस शहीदांच्या स्मरणार्थ साजरा केला जातो. १८९१ च्या अँग्लो-मणिपुरी युद्धात ब्रिटिशांविरोधात लढलेल्या वीरांच्या बलिदानाची आठवण या दिवशी केली जाते. राजकुमार बीर टिकेंद्रजीत सिंह आणि जनरल थंगल मेजर यांना १३ ऑगस्ट १८९१ रोजी इम्फाळमध्ये फाशी देण्यात आली होती.

ऑगस्टमध्ये आणखी कधी बँका बंद?

१५ ऑगस्ट: स्वातंत्र्य दिनामुळे देशभर बँका बंद.

१६ ऑगस्ट: रविवार असल्याने देशभर सुट्टी.

१९ ऑगस्ट: अगरतला येथे महाराजा बीर बिक्रम किशोर माणिक्य बहादूर जयंती.

२२ ऑगस्ट: चौथा शनिवार.

२३ ऑगस्ट: रविवार.

२५ ऑगस्ट: काही राज्यांमध्ये मिलाद-उन-नबी आणि प्रथम ओणमनिमित्त सुट्टी.

२६ ऑगस्ट: विविध राज्यांमध्ये ईद-ए-मिलाद, बारावफात, थिरुवोनम आणि स्थानिक सणांमुळे सुट्टी.

२८ ऑगस्ट: काही राज्यांमध्ये रक्षाबंधन, श्री नारायण गुरु जयंती, अय्यनकली जयंती आणि पांग-ल्हाबसोलमुळे बँका बंद.

त्यामुळे बँकेच्या शाखेत महत्त्वाचे काम असल्यास जाण्यापूर्वी आपल्या शहराची आणि राज्याची सुट्टी तपासा. दरम्यान, बँकेच्या ऑनलाइन सेवा, UPI आणि मोबाइल बँकिंग सेवा उपलब्ध राहू शकतात.