Atal Pension Yojana योजनेत ६०,००० रुपयांची पेन्शन, आतापर्यंत ७ कोटी नागरिकांनी घेतलाय लाभ; जाणून घ्या अर्ज कसा करावा

केंद्र सरकारने नागरिकांसाठी अनेक योजना राबवल्या आहेत. या योजनांमध्ये नागरिकांना आर्थिक सुरक्षा मिळते. केंद्र सरकारने खास अटल पेन्शन योजना राबवली आहे. या योजनेत ६० वर्षानंतर आयुष्यभर पेन्शन मिळते. या योजनेत तुम्हाला वर्षाला ६०,००० रुपये मिळणार आहे.

अटल पेन्शन योजनेत गरीब कुटुंबातील नागरिकांना, असंघटित क्षेत्रात काम करणाऱ्या नागरिकांना वयाच्या ६० वर्षानंतर नियमित पैसे मिळावे, यासाठी ही योजना राबवण्यात आली आहे. या योजनेत आतापर्यंत कोट्यवधी नागरिकांनी लाभ घेतला आहे.

अटल पेन्शन योजनेचे फायदे

अटल पेन्शन योजनेत वयाच्या ६० वर्षानंतर तुम्हाला दर महिन्याला १०००, २०००, ३०००, ४००० आणि ५००० रपयांपर्यंत गॅरंटीड पेन्शन मिळते. या योजनेत पेन्शनची रक्कम ही तुमच्या गुंतवणूकीवर अवलंबून असते. जर तुम्ही १८ वर्षापासून योजनेत गुंतवणूक केली तर ते तुमच्यासाठी फायद्याचे ठरेल.

या योजनेत जर तुम्ही १८ वर्षांपासून महिन्याला फक्त ४२ रुपये जमा केले तर तुम्हाला १००० रुपये पेन्शन दर महिन्याला मिळणार आहे. जर तुम्ही महिन्याला १४५४ रुपये गुंतवले तर महिन्याला ५००० रुपयांची पेन्शन मिळवू शकतात. तुम्ही जेवढी रक्कम गुंतवणार तेवढे जास्त रिटर्न तुम्हाला मिळणार आहे.

अटल पेन्शन योजना ही सुरक्षित आहे.या योजनेत जर एखाद्या व्यक्तीचा मृत्यू झाला तर त्याच्या पत्नीला ही पेन्शन मिळेल.

पात्रता

अटल पेन्शन योजनेत १८ ते ४० वयोगटातील नागरिक अर्ज करु शकतात. अर्जदाराकडे बँक अकाउंट नंबर असायला हवे. इन्कम टॅक्स भरणारे नागरिक या योजनेसाठी पात्र नाही. पेन्शनची रक्कम ही गुंतवणूकीनुसार वेगवेगळी असते.

अर्ज कसा करावा

ऑफलाइन पद्धत

सर्वप्रथम तुम्ही सेव्हिंग अकाउंट असणाऱ्या बँकेत जा.

यानंतर रजिस्ट्रेशन फॉर्म घ्या.

यानंतर सर्व माहिती भरा. पेन्शनचा ऑप्शन निवडा.

याचसोबत आधार कार्ड आणि आवश्यक कागदपत्रे जमा करा.

यानंतर तुमच्या रजिस्टर मोबाईल नंबरवर मेसेज येईल.

ऑनलाइन प्रक्रिया

सर्वप्रथम तुम्ही बँकेच्या अॅपवर जा.

यानंतर लॉग इन आयडी आणि पासवर्ड टाकून लॉग इन करा.

यानंतर अटल पेन्शन योजना किंवा सोशल सिक्युरिटी स्कीम असं सर्च करा.

यानंतर फॉर्म भरा आणि आवश्यक माहिती द्या.

यानंतर मंथली योगदानसाठी ऑटो डेबिटला परवानगी द्या. फॉर्म सबमिट करा.