8th Pay Commission: आठवा वेतन आयोग कधी लागू होणार? केंद्र सरकारची माहिती

केंद्र सरकारने ८व्या वेतन आयोगाबाबत (8th Pay Commission) घोषणा केली जानेवारी महिन्यातच केली आहे. दरम्यान, अजून आठव्या वेतन आयोगाच्या कामाबाबत कोणतीही प्रोसेस सुरु झाल्याचे दिसत नाही. अजून टर्म्स ऑफ रेफरन्स लागू केले नाही. तयाचसोबत आयोगाची समितीदेखील स्थापन झालेली नाही. आयोगाची समिती लवकरच स्थापन केली जाईल. दरम्यान याबाबत अर्थ राज्यमंत्री पंकज चौधरी माहिती दिली आहे.

पंकज चौधरी यांनी सांगितले की, ८व्या वेतन आयोगाबाबत अधिसूचना योग्य वेळी जारी केली जाईल. आयोगाच्या स्थापनेनंतर अध्यक्ष आणि सदस्यांची नियुक्ती केली जाणार आहे. केंद्र सरकारने सांगितले की, ते राज्य सरकारशी सल्लामसलत करत आहे आणि आयोगाच्या स्थापनेबाबत लवकरच घोषणा केली जाणार आहे.

फिटमेंट फॅक्टर (Fitment Factor)

आठव्या वेतन आयोगात पगार आणि पेन्शन ही फिटमेंट फॅक्टरवर आधारित असेल. हा एक गणना केलेला गुणांक असतो. हा कर्मचारी आणि पेन्शनधारकांसाठी नवीन वेतन आणि पेन्शन निश्चित करतो. नवीन वेतन = मूळ वेतन × फिटमेंट फॅक्टर या आधारे पगार वाढतो.

महागाई भत्ता

महागाई भत्तादेखील दर वर्षी दोनदा वाढतो. सध्या महागाई भत्ता हा ५८ टक्के आहे. हा महागाई भत्ता ६० टक्क्यांपर्यंत जाण्याची शक्यता आहे. जर बेस फिटमेंट फॅक्टर १.६० असेल तेव्हा पगार १० ते ३० टक्क्यांनी वाढेल. जर १.६० मध्ये २० टक्क्यांनी वाढ केली तर नवीन फिटमेंट फॅक्टर १.९२ होईल. यात ३० टक्क्यांनी वाढ केल्यास तो २.०८ होऊ शकतो. यामुळे आठव्या वेतन आयोगात फिटमेंट फॅक्टर १.८ ते २.०८ पर्यंत होऊ शकतो.