Actress Death Threat : 'बिग बॉस १३' ची स्पर्धक हिमांशी खुराणा, जी सध्या पंजाबी चित्रपटसृष्टीतील तिच्या कामात व्यस्त आहे, तिने मोहाली पोलिसांकडे खंडणीच्या धमकीबाबत तक्रार दाखल केली आहे. पीटीआयच्या वृत्तानुसार, हिमांशीला परदेशात राहणाऱ्या गुंड झीशान अख्तरकडून १० कोटी रुपयांच्या खंडणीची धमकी मिळाली होती. मोहाली पोलिसांनी सांगितले की, अभिनेत्रीच्या तक्रारीवरून एफआयआर दाखल करण्यात आला आहे. पोलिसांनी असेही म्हटले आहे की हिमांशीला तिच्या ईमेल आयडीवर धमकी मिळाली होती. ज्याच्या आधारे तिने तक्रार दाखल केली.

तक्रारीनंतर, पोलिसांनी शनिवारी सोहाना पोलिस ठाण्यात भारतीय दंड संहितेच्या कलम ३०८(४) अंतर्गत खंडणी आणि कलम ३५१(३) अंतर्गत गुन्हेगारी धमकी दिल्याबद्दल एफआयआर दाखल केला. पोलिस अधीक्षक सौरभ जिंदाल म्हणाले, "तक्रारीनुसार, ईमेलमध्ये परदेशात राहणाऱ्या एका गुंडाने १० कोटी रुपयांची खंडणी मागितल्याचा आरोप असलेली व्हॉइस नोट होती." पोलिसांनी या प्रकरणाचा तपास सुरू केला आहे आणि ईमेल आणि व्हॉइस मेसेज पाठवणाऱ्याचा शोध घेण्याचा प्रयत्न करत आहेत.

गायिका बी प्राकलाही धमक्या मिळाल्या

अधिकाऱ्यांनी सांगितले की कायद्यानुसार पुढील कारवाई केली जाईल. गेल्या महिन्यात, पंजाबी गायिका दिलनूर हिने मोहाली पोलिसांकडे तक्रार दाखल केली होती, ज्यात तिने गायक बी प्राकला देखील १० कोटी रुपयांची खंडणी मागितल्याचा आरोप केला होता.

रोहित शेट्टी आणि आयुष शर्मा यांना धमक्या

अलीकडेच, बिश्नोई टोळीच्या सदस्यांनी मुंबईतील रोहित शेट्टीच्या घरावर गोळीबार केला. सलमान खान गेल्या काही काळापासून या टोळीचे टार्गेट आहे. त्याचा मेहुणा आयुष शर्मा यालाही जीवे मारण्याच्या धमक्या मिळाल्या होत्या. तर अभिनेता रणवीर सिंगला देखील जीवे मारण्याची धमकी मिळाली आहे. अलिकडच्या काही महिन्यांत, बिश्नोई टोळीने चित्रपट आणि संगीत विश्वातील सेलिब्रिटींना टार्गेट केले आहे.

हिमांशी खुराणा कोण आहे?

कामाच्या बाबतीत, हिमांशीने तिच्या कारकिर्दीची सुरुवात मॉडेल म्हणून केली आणि नंतर २०१३ मध्ये 'सद्दा हक' या पंजाबी चित्रपटात दिसली. तिने अनेक संगीत व्हिडिओंमध्ये देखील काम केले आहे आणि रिअॅलिटी शो 'बिग बॉस' च्या १३ व्या सीझनमध्ये मोठ्या प्रमाणात प्रसिद्धी मिळवली आहे.