दारूच्या किंमती आता प्रचंड महाग होणार आहेत...प्रचंड म्हणजे किंमत दुपटीने वाढण्याची शक्यताय...कारण, आता दारूवरील कर 50 टक्क्यांनी वाढवा असं आवाहन WHO ने केल्याचा दावा करण्यात आलाय...पण, खरंच आता दारूच्या किंमती वाढणार आहेत का...? WHO ने असं आवाहन केलंय का...? दारूच्या किंमती अचानक का वाढणार आहेत?...दारू ही आरोग्यास हानिकारक आहे...मात्र, WHOने जर निर्णय घेतला असेल तर तो आरोग्याच्या दृष्टीने महत्त्वाचा असेल...त्यामुळे आम्ही याची पडताळणी सुरू केली...त्याआधी मेसेजमध्ये काय दावा केलाय पाहुयात...

WHO ने जगभरातील देशांना दारू, तंबाखू आणि कोल्ड्रिंक्सवर कर वाढवण्याचे आवाहन केलंय. ज्यामुळे किमती 50% पर्यंत वाढू शकतात..

हा मेसेज व्हायरल होतोय...दारूच्या किंमती वाढवण्यात येणार असल्याचा दावा केल्यामुळे मद्यपींमध्येही संभ्रम आहे...पण, WHO ने असा निर्णय का घेतलाय याची आम्ही पडताळणी केली...

दारूवरील कर वाढवा, WHOचं सर्व देशांना आवाहन

जगभरात दारूवरील कर 50 टक्क्यांनी वाढवा

असं WHOने सांगितलंय

पैशांसाठी नव्हे तर लोकांच्या आरोग्याची काळजी

दारूसह तंबाखू, कोल्ड्रिंक्सवरही कर वाढवण्यासाठी आवाहन

दारू, कोल्ड्रिंक्स, तंबाखू नियमित सेवन केल्याने कॅन्सर, डायबिटीस आणि लठ्ठपणा यासारखे आजार वाढतात...जर या घातक वस्तूंवर अधिक कर लावला तर हे सेवन करण्याचं प्रमाण कमी होईल असा WHOचा अंदाज आहे...आणि यामुळे कॅन्सर, डायबिटीससारखे गंभीर आजारांवर नियंत्रण घालता येईल...WHO ने कर 50 टक्क्यांनी वाढवा असं आवाहन केल्याचा दावा आमच्या पडताळणीत सत्य ठरलाय...मात्र, भारतात अजून दारू, कोल्ड्रिंक्सवरील कर वाढण्याबाबत निर्णय झालेला नाही...