शाळा आणि शाळेतील आठवणी या आजही प्रत्येकालाच रडायला भाग पडतात. आजकाल शाळेतील मित्र- मैत्रिणींना भेटून त्याच्यासोबत जुन्या आठवणींना उजाळा देण्याचा ट्रेंड सुरू आहे. सोशल मीडियावर देखील आजकाल शाळेतील मित्र- मैत्रिणीची बरीच वर्षांनी भेट झालेले व्हिडीओ पाहायला मिळतो. मित्र- मैत्रिणी भेटल्यानंतर त्याच्यासोबत आपण काही करू शकतो. मित्र -मैत्रिणीचं नातं काहीसं असच असतं.

पुरूष असो वा स्त्री अनेकांना नृत्याची आवड असते. तालासुरात अगदी मनमोहक नाचणारे काही कमी नाही. कोणत्याही वयात आणि कोणत्याही ठिकाणी आपला छंद जोपासणारे देखील अनेक आहेत. अशातच सोशल मीडियावर सध्या एका तरूणाचा लावणी डान्सचा व्हिडीओ धुमाकूळ घालताना दिसत आहे. हा व्हिडीओ पाहून तुम्हीही म्हणाल एखादी लावणी कलाकार यांच्यासमोर फिकी पडेल

या व्हिडीओमध्ये तुम्ही पाहू शकता, शाळेतील जुने मित्र-मैत्रिणी बरीच वर्षाने एकमेकांना भेटले आहेत. यावेळी एका तरूणाने 'पाव्हणं इचार काय हाय तुमचा?' या गाण्यावर जबरदस्त ठेका धरला आहे. त्याने अत्यंत तालासुरात या लावणीवर डान्स केलेला पाहायला मिळतो. यावेळी उपस्थितासह सर्वांनाच टाळ्यांनी त्याचे कौतुक देखील केले आहे.

सोशल मीडियावर @rajdancer2021 या इन्स्टाग्राम अकाउंटवरून हा व्हिडीओ शेअर केला आहे. लाखो लोकांनी या व्हिडीओला पसंती दिली असून नेटकऱ्यांनी तरूणाच्या नृत्याचे कौतुक केले आहे. नेटकऱ्यांनी प्रतिक्रियामध्ये 'खूप छान डान्स केला भाऊ' , 'एखाद्या बाईला लाजवेल अशी लावणी आहे, खरच जितका वेळा बघितली तरी मन भरत नाही दादा खुप खुप छान','खरच हवा केली भावा तू एक तरी अंगी असावी कला' असं म्हटलं आहे.