Viral Video Of Passengers

देशभरात सर्वत्र राम मंदिराच्या प्राणप्रतिष्ठा सोहळ्याची मोठ्या प्रमाणात चर्चा होत आहे. २२ जानेवारी २०२४ रोजी राम मंदिराचा प्राणप्रतिष्ठा सोहळा होणार आहे. या सोहळ्याची जय्यत तयारी सुरू आहे. त्यासाठी आलेल्या भाविकांसाठी सर्व सोयी सुविधा आणि नियोजन करण्यात येत आहे.('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

प्राणप्रतिष्ठा सोहळ्यात उपस्थित राहण्यासाठी देशभरातील साधू-संत, राजकीय नेते, अभिनेते यांनाही आमंत्रण देण्यात आले आहे. अशातच सोशल मीडियावर एक व्हिडिओ व्हायरल होत आहे,ज्यात अयोध्या नगरीत विमान प्रवास करुन आलेले भक्त गहीवरून गेल्याचे दिसत आहेत.

व्हायरल होत असलेल्या व्हिडिओत तुम्ही पाहू शकता की, व्हिडिओ अयोध्या नगरीतील विमानतळातील आहे. यात आपल्याला अनेक राम भक्त विमान प्रवास करुन येथे दाखल झाले आहेत. या व्हिडिओत आपल्याला दोन स्लाईड दिसत आहेत.

व्हिडिओच्या दोन्ही स्लाईडमध्ये दिसते की, विमाना लॅंड होताच विमानातून अनेक भगव्या रंगाचे कपडे परिधाण केलेले तसेच अनेक काही व्यक्ती उतरत आहेत. त्यानंतर जमिनीवर उतरताच भक्तांनी जमिनीवर आपले डोके नतमस्तक केले आहेत. सर्व भक्त भावूक झाले आहेत.

व्हायरल व्हिडिओ आपल्याला @ani_trending या इन्स्टाग्राम अकाउंटवर पोस्ट करण्यात आलेला दिसत आहे. व्हिडिओ पोस्ट करुन कॅप्शनमध्ये लिहिण्यात आलं आहे की,' दिल्लीहून अयोध्येला पहिले उड्डाण उतरताच अनेकजण नतमस्तक झालेत'.सध्या व्हिडिओ सोशल मीडियावर मोठ्या प्रमाणात व्हायरल झाला आहे. व्हिडिओच्या कमेंट बॉक्स श्री रामाच्या नावाचा जय घोष होत आहे.