या जगात आईच्या प्रेमापेक्षा मोठं काही नाही हे खर आहे. आईची माया ही आपल्याला सतत जाणवते. आपल्या पाठीशी कोणत्याही प्रसंगी आई खंबीर उभी असते. असचं एक उदाहरण एका सोशल मीडियाच्या व्हिडिओमधून व्हायरल होत आहे. मुसळधार पावसात मुलगी भिजू नये म्हणून आईने थेट मुलीला डोक्यावर उचलून घेतले आहे. आई आणि मुलीचा हा हृदयस्पर्शी व्हिडिओ नेटकऱ्यांच्या पसंतीस पडत आहेत.

सोशल मीडियावर सध्या एक व्हिडिओ चर्चेत आहे. त्या व्हायरल झालेल्या व्हिडिओमध्ये निःस्वार्थ आईचं प्रेम दिसत आहे. मुलीला शाळेत सोडायला जाताना मुसळधार पावसात भिजू नये म्हणून तिच्या आईने तिला डोक्यावर उचलून घेतले आहे. एका हातात छत्री आणि दुसऱ्या हाताने मुलीला सांभाळत ती आई मुलीला घेऊन निघाली आहे.

या गोड प्रसंगाचा व्हिडिओ एका व्यक्तीने चित्रित करून आईच्या या ममतेच कौतुक केलं आहे. ही व्हिडिओ नेटकऱ्यांना आवडली असून त्यांनी व्हिडिओच्या खाली कमेंट केली आहे की, आई नेहमीच आपल्या मुलांसाठी सर्वोत्तम असते आणि त्यांना प्रत्येक अडचणीपासून वाचवते. आई आणि मुलीचा हा व्हिडिओ भारावून टाकणारा आहे.