सोशल मीडियावर रोज अनेक व्हिडिओ व्हायरल होत असतात. यात पाळीव प्राण्यांचे अनेक व्हिडिओ असतात. परंतु तुम्ही कधी हत्तीला पाळल्याचे पाहिलेय का? हत्तीला मोठ्या जंगलात पाळले जाते. परंतु तुम्ही कधी हत्तीचा वाढदिवस साजरा केलेला ऐकलंय का? तमिळनाडूतील एका गावात हत्तीचा वाढदिवस साजरा केला आहे.

तमिळनाडूतील एका गावात गावकऱ्यांनी हत्तीचा वाढदिवस अनोख्या पद्धतीने साजरा केला आहे. तमिळनाडूतील काही व्यक्तींनी हत्तीच्या गळ्यात हार घालून, वेगवेगळ्या प्रकारचे दागिने घालून त्याला सजवलं आहे. त्यानंतर हत्तीच्या आजूबाजूला अनेक गावकरी उभे असल्याचे दिसत आहे. हत्तीच्या वाढदिवसाचं सेलीब्रेशन हटके पद्धतीने केलं आहे. हत्तीच्या समोर द्राक्षे, टरबूज, डाळींब, गाजर आणि इतर फळांनी भरलेल्या दोन पराती ठेवलेल्या दिसत आहे. या दोन परातींमधील फळे उचलण्यासाठी हत्ती आपली सोंड उचलतो तेव्हा आजूबाजूचे सर्व लोक हॅप्पी बर्थडे हे गाण गात त्याला शुभेच्छा देतात. हत्तीचा हा अनोख्या पद्धतीने वाढदिवसाचे सेलिब्रेशन खरंच खूप मस्त आहे.

मिळालेल्या माहितीनुसार, या हत्तीचे नाव अखिला असे आहे. हत्तीचा २२ वा वाढदिवस साजरा करण्यात आला. तमिळनाडूतील एका मंदिराच्या परिसरात हा वाढदिवस साजरा करण्यात आला आहे. हत्तीचा वाढदिवस एखाद्या सणासारखाच साजरा करण्यात आला आहे. Nature is Amazing या एक्स अकाउंटवरुन हा व्हिडिओ शेअर करण्यात आला आहे. या व्हिडिओवर नेटकऱ्यांनी लाईक्स आणि कमेंट्सचा वर्षाव होत आहे.